ଫୁଲବାଣୀ : କନ୍ଧମାଳ ଜିଲ୍ଲା ଟିକାବାଲି ବନାଞ୍ଚଳ ଅଧୀନ ରିଙ୍ଗିବାଡ଼ି ଗାଁ ନିକଟରେ ବନ ବିଭାଗର ଚଢ଼ାଉ । ଏକ କଲରାପତରିଆ ବାଘଛାଲ ଜବତ କରିବା ସହ ଜଣଙ୍କୁ ଗିରଫ କରିଛି ବନ ବିଭାଗ । ବାଘଛାଲର ଲମ୍ବ ୧୬୮ ସେଣ୍ଟିମିଟର ରହିଛି । ଅଭିଯୁକ୍ତ ପଙ୍କଜ କହଁରକୁ ବନ ବିଭାଗ ଗିରଫ କରି କୋର୍ଟ ଚାଲାଣ କରିଛି । ପଙ୍କଜ ବାଘଛାଲକୁ ବିକ୍ରି କରିବାକୁ ଆଣୁଥିବା ବେଳେ ଟିକାବାଲି ବନ କର୍ମଚାରୀ କୌଣସି ସୂତ୍ରରୁ ଖବର ପାଇ ଚଢ଼ାଉ କରି ଏହାକୁ ଜବତ କରିଥିଲେ । ଅଭିଯୁକ୍ତକୁ ଅଧିକ ପଚାରଉଚରା କରାଯାଉଥିବା କହିଛନ୍ତି ଫୁଲବାଣୀ ଏସିଏଫଓ ।
