ମଣିଷ ଖିଆ ବାଘକୁ ଗୁଳି

ପାଟନା: ବିହାରର ପଶ୍ଚିମ ଚମ୍ପାରଣ ଜିଲ୍ଲା ବଗାହରେ ଆତଙ୍କ ଖେଳାଉଥିବା ଏକ ବାଘକୁ ଆଜି ଗୁଳି କରି ହତ୍ୟା କରାଯାଇଛି । ଜାତୀୟ ବାଘ ସଂରକ୍ଷଣ ପ୍ରାଧିକରଣ ବାଘକୁ ଗୁଳି କରିବା ପାଇଁ ଅନୁମତି ଦେବା ପରେ ବାଘ ଶିକାର କରାଯାଇଛି । ବାଘଟି ସେହି ଅଞ୍ଚଳରେ ଭୟଙ୍କର ଆତଙ୍କ କରୁଥିଲା । ବାଘର ଆକ୍ରମଣରେ ୧୦ ଜଣଙ୍କର ମୃତ୍ୟୁ ହୋଇସାରିଛି ।

ଗତ ଶନିବାର ବାଘର ଆକ୍ରମଣରେ ଜଣେ ମହିଳା ଓ ତାଙ୍କ ୧୦ ବର୍ଷର ପୁଅର ମୃତ୍ୟୁ ହୋଇଥିଲା । ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । ଲୋକ ଥାନାରେ ପଶି ପୋଲିସ ଅଫିସରଙ୍କୁ ମାଡ଼ ମାରିଥିଲେ । ବାଘ ଆକ୍ରମଣରୁ ରକ୍ଷା କରିବା ପାଇଁ ଜାଲ ମଧ୍ୟ ଲଗାଯାଇଥିଲା । ସବୁ ପରେ ବି ବାଘର ଉତ୍ପାତ ଏତେ ବଢିଯାଇଥିଲା ଯେ ଲୋକେ ଅତିଷ୍ଟ ହୋଇ ପୋଲିସ ଉପରକୁ ଆକ୍ରମଣ କରିଥିଲେ । ଶେଷରେ ବାଘଟିକୁ ଗୁଳି ହତ୍ୟା କରାଯାଇଛି ।