ନନ୍ଦିଘୋଷ ବ୍ୟୁରୋ: ମିଳିଲା ବାଘୁଣୀ ଜିନ୍ନତ ପତ୍ତା । ଝାରଖଣ୍ଡରୁ ୧୦ ରୁ ୧୨ କିଲୋମିଟର ଜିନ୍ନତ ଦୂରରେ ରହିଥିବା ବନ ବିଭାଗ ପକ୍ଷରୁ ସୂଚନା ମିଳିଛି।
ଜିନ୍ନତକୁ ମହାରାଷ୍ଟ୍ରର ତଡ଼ବା ଜଙ୍ଗଲରୁ ଶିମିଳିପାଳ ଅଭୟାରଣ୍ୟକୁ ଅଣାଯାଇଥିଲା। ପ୍ରଥମେ ତାଙ୍କୁ ଶିମିଳିପାଳରେ ଏନକ୍ଲୋଜରରେ ରଖାଯାଇଥିଲା। ପରେ ବାଘୁଣୀକୁ ଶିମିଳିପାଳର କୋର ଏରିଆ ଭିତରେ ଛାଡ଼ି ଦିଆଯାଇଥିଲା। ୧୦ ତାରିଖରେ ଜିନ୍ନତ ଶିମିଳିପାଳ ଛାଡି ଝାଡ଼ଖଣ୍ଡ ପଳାଇଥିଲା। ୧୯ ତାରିଖ ରାତିରେ ସେ ପଶ୍ଚିମବଙ୍ଗ ଓ ଓଡ଼ିଶା ସୀମାନ୍ତ ଅଞ୍ଚଳ ଝାର ଗ୍ରାମରେ ଦେଖା ଦେଇଥିଲା। ଝାର ଗାଁରେ ବନ ବିଭାଗ ପକ୍ଷରୁ ଜିନ୍ନତକୁ ଖୋଜାଖୋଜି କରିଥିଲେ ମଧ୍ୟ ଜିନ୍ନତ ସେଠାରୁ ଫେରି ପୁରୁଲିଆ ବେଲପାହାଡ଼ି ଜଙ୍ଗଲକୁ ପଳାଇଥିଲା। ଏହି ଦୁଇ ଜିଲ୍ଲା ସ୍ଥିତ ଜଙ୍ଗଲ ପାଖାପାଖି ଗାଁର ଲୋକେ ଜିନ୍ନତ ଥିବା ଖବର ପାଇ ଭୟଭୀତ ଓ ଆତଙ୍କିତ ହୋଇ ପଡିଛନ୍ତି। ବାଘୁଣୀ ଜିନ୍ନତ ଏବେ ମୟୂର ବର୍ଣ୍ଣା ଜଙ୍ଗଲ ଓ କାଙ୍କଡା ରୋଡ ଜଙ୍ଗଲ ମଧ୍ୟରେ ରହିଥିବା ସୂଚନା ମିଳିଛି। ବନ ବିଭାଗ ପକ୍ଷରୁ ଲୋକଙ୍କୁ ସଚେତନ କରାଯାଉଛି।
