ଶିମିଳିପାଳକୁ ଆସିଲା ବାଘୁଣୀ ଜିନାତ

ମୟୂରଭଞ୍ଜ: ଶିମିଳିପାଳ ଅଭୟାରଣ୍ୟର ବ୍ୟାଘ୍ର ପ୍ରକଳ୍ପକୁ ଆସିଲା ୩ ବର୍ଷ ବୟସର ବାଘୁଣୀ ଜିନାତ। ବାଘୁଣୀ ଜିନାତକୁ ତଡବା ରିଜର୍ଭ ଜଙ୍ଗଲରେ ଟ୍ରାଙ୍କୁଲାଇଜ କରି ଧରାଯାଇଥିଲା। ଏବଂ ଗତକାଲି ସନ୍ଧ୍ୟାରେ ଶିମିଳିପାଳ ଜଙ୍ଗଲରେ ପହଞ୍ଚିବା ପରେ ଆଜି ସକାଳୁ ଏନକ୍ଲୋଜର ଭିତରେ ଛଡାଯାଇଥିଲା। ବାଘୁଣିଟି ସମ୍ପୂର୍ଣ୍ଣ ସୁସ୍ଥ ଥିବା ଶିମିଳିପାଳ ବ୍ୟାଘ୍ର ପ୍ରକଳ୍ପ କର୍ତୃପକ୍ଷଙ୍କ ପକ୍ଷରୁ କୁହାଯାଇଛି।

ଗତ ମାସ ୨୭ ତାରିଖ ଦିନ ଯମୁନାକୁ ଶିମିଳିପାଳ ଅଣାଯାଇଥିଲା। ଆଜି ତା’ର ଆଉ ଏକ ସାଥି ବାଘୁଣୀକୁ ଅଣାଯାଇଛି। ବାଘୁଣି ଜିନାତର ଗତିବିଧି ଉପରେ ସମ୍ପୂର୍ଣ୍ଣ ଭାବରେ ବନବିଭାଗର କର୍ମଚାରୀ ଏଵଂ ଡାକ୍ତରମାନେ ନଜର ରଖୁଥିବା ଶିମିଳିପାଳ ଅଭୟାରଣ୍ୟ କର୍ତୃପକ୍ଷ ସୂଚନା ଦେଇଛନ୍ତି।