ବାଘକୁ ଫସାଇବାକୁ ଛେଳି ବାନ୍ଧିଥିଲା ବନ ବିଭାଗ, ହେଲେ ଖସିଗଲା ବାଘ

ରାଉରକେଲା: ଖସିଗଲା ବାଘ । ବଡ଼ଗାଁ ଫରେଷ୍ଟ ରେଞ୍ଜ ଅନ୍ତର୍ଗତ ଗେଲେବାହାଲ ଟିମନା ଗ୍ରାମ ନିକଟସ୍ଥ ଜଙ୍ଗଲରେ ଥିଵା ବାଘକୁ ଧରିବାରେ ଵନ ବିଭାଗ ବିଫଳ । ଜାଲ ଵିଛାଇ ଓ ଟ୍ରାଙ୍କୁଲାଇଜ କରି ବାଘକୁ ଧରିବା ପାଇଁ ଵନ ବିଭାଗ ଉଦ୍ୟମ କରିଥିଲା ।

ବାଘକୁ ଫସାଇବାକୁ ଛେଳି ବି ବନ୍ଧା ଯାଇଥିଲା । ହେଲେ ଗହଳିକୁ ଦେଖି ଵାଘ ଡେଇଁ ଜଙ୍ଗଲକୁ ପଳାଇଯାଇଥିଵା ସୂଚନା ମିଳିଛି । ପ୍ରବଳ ଜନଗହଳି ହେଵାରୁ ଵାଘକୁ ଧରିବାରେ ଵନ ବିଭାଗ ସକ୍ଷମ ହୋଇ ପାରି ନାହାନ୍ତି । ବଡ଼ଗାଁ ଫରେଷ୍ଟ ରେଞ୍ଜ ଅନ୍ତର୍ଗତ ଗେଲେବାହାଲ ଟିମନା ଗାଁରେ କଲାରପତରିଆ ବାଘ ବୁଲୁଥିବା ଓ ଗାଁକୁ ଵାଘ ପଶି ଆସିଥିବା ଅଭିଯୋଗ ହେବା ପରେ ଟ୍ରାଙ୍କୁଲାଇଜ ପାଇଁ ବନ ବିଭାଗ ଟିମ୍ ଉଦ୍ୟମ କରିଥିଲା । ବାଘ ଧରିବା ପାଇଁ ଜାଲ ବିଛା ଯାଇଥିଲା । ହେଲେ ଗହଳି ଯୋଗୁଁ ବନ ବିଭାଗର ଉଦ୍ୟମ ସଫଳ ହୋଇପାରିନଥିଲା ।