ବାରବାଟୀରେ ଦିନିକିଆ ମ୍ୟାଚ୍ ପାଇଁ ଆଜିଠାରୁ ଟିକେଟ୍ ବିକ୍ରି ଆରମ୍ଭ
1 min read
ଭୁବନେଶ୍ୱର: ସବୁ କଳ୍ପନା ଜଳ୍ପନାର ଅନ୍ତ ଘଟିଛି । ଆଜିଠାରୁ ବାରବାଟୀରେ ଦିନିକିଆ କ୍ରିକେଟ୍ ମ୍ୟାଚ୍ ପାଇଁ ଅନଲାଇନରେ ବିକ୍ରି ହେବ ଟିକେଟ୍ । ଏଥିପାଇଁ କ୍ରିକେଟ ପ୍ରେମୀଙ୍କ ମଧ୍ୟରେ ନାହିଁ ନଥିବା ଉତ୍ସାହ ଦେଖିବାକୁ ମିଳିଛି । ପାଖାପାଖି ୯ ହଜାର ଟିକେଟ୍ ଅନଲାଇନରେ ବିକ୍ରି ହେବ ବୋଲି ସୂଚନା ରହିଛି ।
ଆଜି ଅପରାହ୍ନରୁ ଟିକେଟ୍ ବିକ୍ରୀ କରାଯିବ। କ୍ରିକେଟ୍ ପ୍ରେମୀ ମାନେ www.paytm.com ସାଇଟରୁ ଟିକେଟ୍ କିଣି ପାରିବେ । ଗୋଟିଏ ମେଲ ଆଇଡିରୁ ଜଣେ ବ୍ୟକ୍ତି କେବଳ ଦୁଇଟି ଟିକେଟ କିଣିପାରିବେ । ନକଲି ଟିକେଟ୍ ଛାପି ଏହାକୁ ବିକ୍ରି କରିବା ଭଳି ବିଭିନ୍ନ କଳାବଜାରୀ କାର୍ଯ୍ୟକୁ ରୋକିବା ପାଇଁ ତତ୍ପରତା ପ୍ରକାଶ କରିଛି ଓସିଏ ଓ ବିସିସିଆଇ । ତେଣୁ କିଭଳି ଏହାକୁ ରୋକା ଯାଇହେବ ସେନେଇ ସଜାଗ ରହିଛି କମିଶନରେଟ୍ ପୋଲିସ ।
ସେପଟେ ଦୀର୍ଘ ଦିନ ପରେ ବାରବାଟୀକୁ ଅନ୍ତର୍ଜାତୀୟ ମ୍ୟାଚ୍ ମିଳିଥିବାରୁ ଏହାକୁ କିପରି ସୁରୁଖୁରୁରେ ଆୟୋଜନ କରାଯିବ ସେ ନେଇ ରାତିଦିନ ଏକ କରିଦେଇଛି ଓସିଏ । ମ୍ୟାଚ୍ ପୂର୍ବରୁ ବାରବାଟୀ ଷ୍ଟାଡ଼ିୟମକୁ ନୂଆ ରୂପ ଦେବାକୁ ଓସିଏ ଠାରୁ ଆରମ୍ଭ କରି ପୋଲିସ ପ୍ରଶାସନ ଓ ବିଭିନ୍ନ ସଂସ୍ଥା ଲାଗି ପଡ଼ିଛନ୍ତି ।
