ଭାରତ-ଇଂଲଣ୍ତ ଦିନିକିଆ ମ୍ୟାଚ୍ ପାଇଁ ଟିକେଟ ଦର ଧାର୍ଯ୍ୟ

କଟକ  : କଟକ ବାରବାଟୀ ଷ୍ଟାଡିୟମରେ ଆସନ୍ତା ଫେବ୍ରୁଆରୀ ୯ ତାରିଖରେ ହେବାକୁ ଥିବା ଭାରତ-ଇଂଲଣ୍ତ ଦିନିକିଆ ଦିବାରାତ୍ର ମ୍ୟାଚ୍ ପାଇଁ ଓସିଏର ସ୍ଵତନ୍ତ୍ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି । ଓସିଏ ସଂପାଦକ ସଂଜୟ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ମ୍ୟାଚ୍ ପାଇଁ ଉଭୟ ଟିମ୍ ଭୁବନେଶ୍ଵରର ମେ ଫେୟାର ଲାଗୁନ ହୋଟେଲରେ ରହିବେ । ଏଥର ବାରବାଟୀ ଷ୍ଟାଡିୟମରେ ୪୪ହଜାର ୫୨୪ ଦର୍ଶକଙ୍କ ମ୍ୟାଚ୍ ଦେଖିବା ପାଇଁ ବ୍ୟବସ୍ଥା ହୋଇଛି । ଏହାଛଡ଼ା ମ୍ୟାଚ୍ ପାଇଁ ଟିକେଟ ଦର ଧାର୍ଯ୍ୟ କରିଛି ଓସିଏ । ଗ୍ୟାଲେରୀ-୧,୩,୬ର ଟିକେଟର ଦାମ-୧ହଜାର ୨୦୦ ଟଙ୍କା ରଖାଯାଇଛି । ସେହିପରି ୨,୪ ଗ୍ୟାଲେରୀର ଟିକେଟ୍ ଦାମ-୧ହଜାର ଟଙ୍କା ରହିଛି । ୫ ନମ୍ବର ଗ୍ୟାଲେରୀର ଟିକେଟ୍ ଦାମ-୧୫ଶହ ଟଙ୍କା । ସ୍ପେଶାଲ ଏନକ୍ଲୋଜର ର ଟିକେଟ୍ ଦାମ ୭ ହଜାର ଟଙ୍କା, ଏସି ଗ୍ୟାଲେରୀ ବକ୍ସ ଟିକେଟ୍ ଦାମ୍ ୯ ହଜାର ଟଙ୍କା ରଖାଯାଇଛି । ଓ କର୍ପୋରେଟ ବକ୍ସ ଟିକେଟ୍ ଦାମ ୨୦ ହଜାର ଟଙ୍କା ଧାର୍ଯ୍ୟ କରାଯାଇଛି।