ସୋପିଆଁରେ ଏନ୍କାଉଣ୍ଟର: ୩ ଆତଙ୍କୀ ନିପାତ
1 min read
ଜମ୍ମୁ-କାଶ୍ମୀର ସୋପିଆଁରେ ଏନକାଉଣ୍ଟର । ସୁରକ୍ଷାକର୍ମୀଙ୍କ ଗୁଳିରେ ୩ ଆତଙ୍କୀ ନିହତ ହୋଇଥିବା ସୂଚନା ମିଳିଛି । ସୋପିଆଁର ସୁଗନରେ ଗତରାତିରେ ଆତଙ୍କବାଦୀ ଲୁଚିଥିବା ଖବର ପାଇ ସୁରକ୍ଷାକର୍ମୀ ଅଞ୍ଚଳକୁ ଘେରିଦେଇଥିଲେ । ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ଯବାନଙ୍କ ଗୁଳିରେ ପ୍ରଥମେ ୨ ଆତଙ୍କୀ ନିହତ ହୋଇଥିଲେ । ପରେ ସର୍ଚ୍ଚ ଅପରେସନ ଜୋରଦାର ହୋଇଥିଲା । ଯବାନଙ୍କ ଗୁଳିରେ ଆଉ ଜଣେ ଆତଙ୍କୀ ନିହତ ହୋଇଛି । ଏବେବି ସର୍ଚ୍ଚ ଅପରେସନ ଜାରି ରହିଛି । କିଛିଦିନ ହେବ ସୋପିଆଁରେ ଆତଙ୍କୀ ନିପାତ ମିଶନ ଜାରି ରହିଛି । ନିକଟରେ ପୁଲୱାମାରେ ସୁରକ୍ଷାକର୍ମୀ -ଆତଙ୍କୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । କିଛି ଆତଙ୍କୀଙ୍କ ନିପାତ କରିଥିଲେ ଯବାନ ଆଉ ୨ ସିଆରପିଏଫ୍ ଯବାନ ସହିଦ ହୋଇଥିଲେ ।
