ଗାଧୋଇବା ବେଳେ ବ୍ରାହ୍ମଣୀରେ ଭାସିଗଲେ ୩ ସାଙ୍ଗ

ଢେଙ୍କାନାଳ: ବ୍ରାହ୍ମଣୀ ନଦୀରେ ଗଧୋଉଥିବା ବେଳେ ଭାସିଗଲେ ତିନି ଛାତ୍ର । ସୁରକ୍ଷିତ ଭାବେ ଦୁଇଜଣ ଉଦ୍ଧାର ହୋଇଥିବାବଳେ । ଜଣେ ଏବେ ବି ନିଖୋଜ  ରହିଛନ୍ତି । ଢେଙ୍କାନାଳ ଗଁନ୍ଦିଆ ଥାନା ଅନ୍ତର୍ଗତ ନୂଆପଡା ଘାଟ ନିକଟରେ ଘଟିଛି ଏହି ଅଘଟଣ । ନିଖୋଜ ଛାତ୍ର ଜଣକ ନବମ ଶ୍ରେଣୀର ଛାତ୍ର ସୁଧାବିନ୍ଦୁ ବେହେରା ବୋଲି ସୂଚନା ମିଳିଛି ।

ଖରାବେଳେ ନଦୀରେ ଗାଧୋଇବା ପାଇଁ ଘର ବାହାରିପଡ଼ିଥିଲେ ତିନି ଛାତ୍ର ।  ତେବେ ନୂଆପଡ଼ା ଘାଟରେ ଗାଧୋଉଥିବାବେଳେ ତିନି ଜଣ ସାଙ୍ଗ ନଦୀର ସ୍ରୋତରେ ଭାସିଯାଇଥିଲେ  । ସେହି ସମୟରେ ଘାଟରେ ଥିବା ଅନ୍ୟ ଲୋକମାନେ ମୁନା ସାହୁ ଓ ଶୁଭମ ଜେନାଙ୍କୁ ଉଦ୍ଧାର କରିଥିଲେ  ।  ଗ୍ରାମବାସୀ ୩ ଜଣଙ୍କ ମଧ୍ୟରୁ ୨ ଜଣଙ୍କୁ  ସୁରକ୍ଷିତ ଭାବେ ଉଦ୍ଧାର କରିବାରେ ସକ୍ଷମ ହୋଇଛନ୍ତି। କିନ୍ତୁ ଅନ୍ୟ ଜଣଙ୍କୁ ଉଦ୍ଧାର କରିପାରିନଥିଲେ  । ନିଖୋଜ ସୁଧାବିନ୍ଦୁଙ୍କୁ  ଅଗ୍ନିଶମ ବିଭାଗ କର୍ମଚାରୀ ଓ ସ୍ଥାନୀୟ ବାସିନ୍ଦାଙ୍କ ଦ୍ୱାରା ଖୋଜାଖୋଜି ଜାରି ରହିଛି ।