ଲକ୍ଷ୍ନୌ: କରୋନାର ଦ୍ୱିତୀୟ ପ୍ରବାହ ଉତ୍ତରପ୍ରଦେଶରେ ଆତଙ୍କ ଖେଳାଇଛି । ଦିନକୁ ଦିନ ଘାତକ ହେଉଥିବା ଏହି ମହାମାରୀରେ ରାଜ୍ୟ ସରକାରଙ୍କ ଅନେକ ମନ୍ତ୍ରୀ ଓ ବିଧାୟକ ମାନେ ପ୍ରାଣ ହରାଇଛନ୍ତି । ମଙ୍ଗଳ ବାର ଦିନ ମଧ୍ୟ ଜଣେ ମନ୍ତ୍ରୀ ବିଜୟ କଶ୍ୟପଙ୍କର କରୋନାରେ ମୃତ୍ୟୁ ହୋଇଥିଲା । ଯିଏକି ୟୁପି ସରକାରରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ରାଜ୍ୟ ମନ୍ତ୍ରୀ ଥିଲେ । ଏଯାବତ୍ ବିଜେପିର ୫ ଜଣ ବିଧାୟକଙ୍କ ନିଧନ ହୋଇସାରିଛି ।
ସୂଚନା ଅନୁଯାୟୀ, କରୋନା ମହାମାରୀର ପ୍ରଥମ ପ୍ରବାହରେ ଗତ ବର୍ଷ ଯୋଗୀ ସରକାରଙ୍କ ଦୁଇ ମନ୍ତ୍ରୀ ମୃତ୍ୟୁ ବରଣ କରିଥିଲେ। ସେମାନଙ୍କ ମଧ୍ୟରେ ଚେତନ ଚୌହାନ ଏବଂ କମଲ ରାନୀ ବରୁଣ ଥିଲେ। ଏହାପୂର୍ବରୁ ଅରୁଆରୁ ବିଧାୟକ ରମେଶ ଦିୱାକର, ବରେଲିର କେସର ସିଂ, ପଶ୍ଚିମ ଲକ୍ଷ୍ନୌର ବିଧାୟକ ସୁରେଶ ଶ୍ରୀବାସ୍ତବଙ୍କର କରୋନାରେ ମୃତ୍ୟୁ ଘଟିଥିଲା । ଏହା ବ୍ୟତୀତ ରାଏବରେଲିର ସଲୋନ୍ ଦଲ୍ ବାହାଦୂର କୋରୀ ଆଉ ଏବେ ମୁଜାଫରନଗରର ଚରଥାବଲରୁ ବିଧାୟକ ବିଜୟ କାଶ୍ୟପଙ୍କର କରୋନା ସଂକ୍ରମଣରେ ପ୍ରାଣ ହରାଇଛନ୍ତି ।
ଗତ ଏକ ମାସ ମଧ୍ୟରେ ୫ ଜଣ ବିଧାୟକଙ୍କ ମୃତ୍ୟୁ ହୋଇଛି-
ଗତ ଏକ ମାସ ମଧ୍ୟରେ କରୋନା ସଂକ୍ରମଣରେ ପାଞ୍ଚ ଜଣ ବିଧାୟକଙ୍କ ଦେହାନ୍ତ ହୋଇଛି। ବର୍ତ୍ତମାନ ସମୟରେ ୟୁପିରେ ସଂକ୍ରମଣ ମାମଲା ହ୍ରାସ ପାଇଛି । ଗତ ୨୪ ଘଣ୍ଟା ମଧ୍ୟରେ ୮୭୩୭ଟି ନୂଆ ମାମଲା ସାମ୍ନାକୁ ଆସିଛି। ଆଉ ଏବେ ସୁସ୍ଥତା ହାର ୯୦.୬ ପ୍ରତିଶତରେ ପହଞ୍ଚିଛି ।
