ଲାଇସେନ୍ସ ନାହିଁ, ତଥାପି ଡ୍ୟାନ୍ସ ବାରରେ ରଙ୍ଗୀନ ହେଉଛି ରାତି

ଭୁବନେଶ୍ୱର: ରାଜଧାନୀରେ ବେଆଇନ୍ ଭାବେ ଚାଲୁଥିବା ଡ୍ୟାନ୍ସ ବାର ଉପରେ ରେଡ୍ ହୋଇଛି । କଟକ ରୋଡରେ ଥିବା ୭ଟି ବାର୍ ଉପରେ କଟକ ଫ୍ଲାଇଁ ସ୍କ୍ୱାଡ୍ ଓ ଭୁବନେଶ୍ୱର ଅବକାରୀ ବିଭାଗ ଚଢ଼ାଉ କରିଛି । ବେଆଇନ୍ ଭାବରେ ଅନୁମତି ନଥାଇ ଯୁବତୀ ମାନେ ବାରରେ ଡ୍ୟାନ୍ସ କରୁଥିବା ବେଳେ ରେଡ୍ ହୋଇଥିଲା । ପଚରାଉଚରା ପରେ ଯୁବତୀମାନଙ୍କୁ ଛାଡ଼ି ଦିଆଯାଇଛି ।

୩ଟି ବାରକୁ ଅନିର୍ଦ୍ଦିଷ୍ଟ କାଳ ପାଇଁ ସିଲ୍ କରାଯାଇଥିବା ବେଳେ ୨ଟି ବାରକୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି । ଗୋଟିଏ ବାରରୁ ୧୬ ଜଣ ଯୁବତୀଙ୍କୁ ଧରା ଯାଇଥିବା ବେଳେ ଛାଡ଼ି ଦିଆଯାଇଛି । ବାରରେ ଡ୍ୟାନ୍ସ ପାଇଁ ଅନୁମତି ନଥିବା ବେଳେ ଯୁବତୀ ମାନେ ଡ୍ୟାନ୍ସ କରୁଥିଲେ । ଏଥିସହ ସହ ପୁଳା ପୁଳା ନକଲି ଟଙ୍କା ସେମାନଙ୍କ ଉପରକୁ ଫିଙ୍ଗା ଯାଉଥିଲା । ଉକ୍ତ ନକଲି ଟଙ୍କାକୁ ମଧ୍ୟ ଅବକାରୀ ବିଭାଗ ଜବତ କରିଛି ।