ବିଧାନସଭା ଆଗରେ ଦେହରେ କିରୋସିନ ଢ଼ାଳି ୩ ଚାଷୀଙ୍କ ଆତ୍ମାହୁତି ଉଦ୍ୟମ, ପୋଲିସ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ

ଭୁବନେଶ୍ୱର: ପୁଣି ବିଧାନସଭା ସମ୍ମୁଖରେ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ବିଧାନସଭା ଆଗରେ ୩ଜଣ ଆତ୍ମାହୁତି ଉଦ୍ୟମ କରିଛନ୍ତି । ସମସ୍ତେ ହେଉଛନ୍ତି ଆଠଗଡ଼ ଅଞ୍ଚଳର ଚାଷୀ । ଦେହରେ କିରୋସିନି ଢାଳି ଆତ୍ମହତ୍ୟା ପାଇଁ ଉଦ୍ୟମ କରିଛନ୍ତି । ତେବେ ସେମାନଙ୍କର ଅଧିକ କିଛି ହେବା ପୂର୍ବରୁ ପୋଲିସ ଉଦ୍ଧାର କରିଥିଲା । ସମସ୍ତ ୩ଜଣଙ୍କୁ ପୋଲିସ କାବୁ କରିନେଇଛି ।

କାବୁ କଲା ପରେ କ୍ୟାପିଟାଲ ହସପିଟାଲରେ ଭର୍ତ୍ତି କରାଯାଇଛି । ତେବେ ପୋଲିସ ପ୍ରଶାସନର ତ୍ରିସ୍ତରୀୟ ସୁରକ୍ଷା ବ୍ୟବସ୍ଥାକୁ ବାରମ୍ବାର ବିଫଳତାର ସ୍ୱାଦ ଚାଖିବାକୁ ପଡ଼ୁଛି । ଏଇ କିଛି ଦିନ ମଧ୍ୟରେ ତିନି ତିନିଟି ସମାନ ଘଟଣା ଘଟିଛି । ପୂର୍ବରୁ ପରି ମୃତ୍ୟୁର ତଦନ୍ତରେ ଅବହେଳା ହେଉଥିବାରୁ ପରିର ବାପା ମାଆ ଦେହରେ କିରୋସିନ ଢ଼ାଳି ଆତ୍ମହତ୍ୟା ଉଦ୍ୟମ କରିଥିଲେ ।