ଟ୍ରେନ୍ ଧକ୍କାରେ ଆହତ ଆଉ ୨ ହାତୀଙ୍କ ମୃତ୍ୟୁ, ୩ରେ ପହଞ୍ଚିଲା ମୃତ୍ୟୁ ସଂଖ୍ୟା

କେନ୍ଦୁଝର: କେନ୍ଦୁଝରରେ ହାତୀ ମୃତ୍ୟୁ ନେଇ ଦାୟୀ କିଏ? ଟ୍ରେନ୍ ଧକ୍କାରେ ୩ ହାତୀଙ୍କ ଜୀବନ ଯାଇଛି । ମା’ ଓ ୨ ଛୁଆ ରେଳ ଲାଇନ ପାର ହେଉଥିବା ବେଳେ ଧକ୍କା ଦେଇଥିଲା ମାଲବାହୀ ଟ୍ରେନ୍ । ହେଲେ ଗତକାଲି ରାତିରେ ଛୁଆ ହାତୀର ମୃତ୍ୟୁ ହୋଇଥିବାବେଳେ, ଆଜି ମା’ ଓ ଅନ୍ୟ ଏକ ଛୁଆ ହାତୀର ଜୀବନ ଯାଇଥିବା ଡିଏଫଓ ସୂଚନା ଦେଇଛନ୍ତି । ଗତକାଲି ବିଳମ୍ବିତ ରାତିରେ କେନ୍ଦୁଝର ଚମ୍ପୁଆ ରେଞ୍ଜ ବାଂଶପାଣି ନିକଟ ରେଳ ଲାଇନକୁ ୨୨ ଟିକିଆ ହାତୀପଲ ପାର ହେଉଥିବା ବେଳେ, ୩ଟି ହାତୀଙ୍କୁ ମାଲବାହୀ ଟ୍ରେନ୍ ଧକ୍କା ଦେଇଥିଲା । ଟ୍ରେନ୍ ଧକ୍କାରେ ଗୋଟିଏ ଛୁଆ ହାତୀର ମୃତ୍ୟୁ ହୋଇଥିବା ବେଳେ ଅନ୍ୟ ଏକ ଛୁଆ ହାତୀ ଓ ଗୋଟିଏ ମାଈ ହାତୀ ଆହତ ହୋଇଥିଲେ । ସେମାନଙ୍କୁ ଚିକିତ୍ସା କରାଯାଉଥିଲା । ହେଲେ ଆହତ ଥିବା ୨ଟି ହାତୀଙ୍କର ଆଜି ମୃତ୍ୟୁ ହୋଇଛି ।