କଟକରେ ବିଲ୍ଡିଂର ବାଲକୋନୀ ଭୁଶୁଡ଼ି ତିନି ମୃତ, ଜଣେ ଗୁରୁତର
ନନ୍ଦିଘୋଷ ବ୍ୟୁରୋ: କଟକରେ ଭୁଶୁଡ଼ିଲା କୋଠାର ବାଲକୋନୀ । ଚାଲିଗଲା ତିନି ଜଣଙ୍କ ଜୀବନ । ଅନ୍ୟ ଜଣେ ଗୁରୁତର ।
ବାଲିଯାତ୍ରାକୁ ନେଇ କଟକ ଉତ୍ସବମୁଖର ଥିବା ବେଳେ କଟକରୁ ଆସିଛି ଏହି ଦୁଃଖଦ ଖବର । ବକ୍ସିବଜାର ପୋଲିସ ଲାଇନ ସ୍ଥିତ ହାଡ଼ିବନ୍ଧୁ ସ୍କୁଲ ନିକଟ ମଣି ସାହୁ ଛକରେ ଫ୍ଲାଟର ବାଲକୋନୀ ଭାଙ୍ଗି ଏକ ଆଜବେଷ୍ଟସ୍ ଘର ଉପରେ ପଡ଼ିଥିଲା । ଫଳରେ ଘର ଭିତରେ ଥିବା ତିନି ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି । ଘଟଣାସ୍ଥଳରେ ଅଗ୍ନିଶମ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ଆହତମାନଙ୍କୁ ଉଦ୍ଧାର କରି ଚିକିତ୍ସା ପାଇଁ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ ବାଲକୋନୀ କେମିତି ଭାଙ୍ଗିଲା ତାହା ସ୍ପଷ୍ଟ ହୋଇନି । ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରହିଛି ।
