ଦିନପରେ ଦିନ ବିତୁଛି, ମିଳୁନି ମହାନଦୀରେ ବୁଡ଼ିଯାଇଥିବା ଦୁଇ ଛାତ୍ରଙ୍କ ପତ୍ତା

କଟକ: ବିତିଲାଣି ୩୬ ଘଣ୍ଟା । ହେଲେ ଏଯାଏ ମିଳିନି ମହାନଦୀରେ ବୁଡ଼ିଯାଇଥିବା ଦୁଇ ଛାତ୍ରଙ୍କ ପତ୍ତା । ଗତ ମଙ୍ଗଳବାର ଅରାହ୍ମରେ ମୁଣ୍ଡଳୀ ନିକଟ ମହାନଦୀରେ ବୁଡ଼ିଯାଇଥିଲେ କଟକର ଦୁଇ ଛାତ୍ର । ଆଦିତ୍ୟ ଅଭିଷେକ ମଲ୍ଲିକ, ଦେବତୂଲ୍ୟ ଚୌଧୁରୀଙ୍କୁ ଲଗାତାର ୩୬ଘଣ୍ଟାରୁ ଅଧିକ ସମୟ ଧରି ଖୋଜାଖୋଜି କରିବା ପରେ ସେମାନଙ୍କୁ ଉଦ୍ଧାର କରିବା ସମ୍ଭବ ହୋଇନି।

ଏନଡିଆରଏଫ, ଓଡ୍ରାଫ୍ ଓ ଅଗ୍ନିଶମ ବାହିନୀ ଖୋଜାଖୋଜି ଜାରି ରଖିଛନ୍ତି। ମହାନଦୀରେ ପାଣିର ସୁଅଥିବାରୁ ଉଭୟ ଦୂରକୁ ଭାସିଯାଇଥିବା ସନ୍ଦେହ କରାଯାଉଛି । ବିଭିନ୍ନ ସ୍ଥାନରେ ଦୁଇ ନାବାଳକଙ୍କୁ ଖୋଜାଖୋଜି କରାଯାଉଛି । ଏପଟେ ପିଲାଙ୍କୁ ନପାଇ ଭାଙ୍ଗିପଡ଼ିଛନ୍ତି ପରିବାର ଲୋକ।

ମଙ୍ଗଳବାର ଅପରାହ୍ନରେ ଦୁଇ ନାବାଳକ ଛାତ୍ର ଅନ୍ୟ ୬ଜଣ ସାଙ୍ଗଙ୍କ ସହ ମହାନଦୀକୁ ଗାଧୋଇବାକୁ ଯାଇ ବୁଡ଼ି ଯାଇଥିଲେ। ଉଭୟଙ୍କର ଘର କଟକ ମଙ୍ଗଳାବାଗ ଓ ଦେଉଳସାହି ବୋଲି ଜଣାପଡ଼ିଛି ।