ଚୀନର ଷଡ଼ଯନ୍ତ୍ର ! କଳା ପଡ଼ିଗଲା କାମେଙ୍ଗ ନଦୀ ଜଳ, ମରିଗଲେ ଲକ୍ଷାଧିକ ମାଛ

ଇଟାନଗର: ହାତରେ ନମାରି ଭାତରେ ମାରୁଛି ଚୀନ  । ପୁଣି ଡ୍ରାଗନର ଲୁଚାଛପା ଷଡ଼ଯନ୍ତ୍ର  । ଯବାନଙ୍କ ସହ ଲଢୁଥିଲା, ଏବେ ନିରୀହ ଜୀବଙ୍କୁ ନିଶାନା କରିଛି  । ସବୁ କିଛି ଥିଲା ଠିକଠାକ  । ଅରୁଣାଚଳ ପ୍ରଦେଶ କାମେଙ୍ଗ ନଦୀ ଜଳ ଥିଲା ପୂର୍ବ ଭଳି  । ଆନନ୍ଦରେ ଖେଳୁଥିଲେ ଜଳଚର ଜୀବ । କିନ୍ତୁ ହଠାତ ବିଗିଡ଼ିଯାଇଥିଲା ସ୍ଥିତି  । ନୀଳ ଜଳରାଶି କଳା ରଙ୍ଗରେ ପରିବର୍ତ୍ତନ ହୋଇଯାଇଥିଲା  । ଖୁସିରେ ଖେଳି ଉଠୁଥିବା ମାଛ ଗୁଡିକ ମୃତ୍ୟୁର ଜ୍ୱାଳାରେ ଛଟପଟ ହେଉଥିଲେ  । କିନ୍ତୁ କିଛି ସମୟ ପରେ ହଜାର ହଜାର ମାଛ ମରି ଭାସୁଥିବେ ଦେଖିବାକୁ ମିଳିଛି  । କାମେଙ୍ଗ ନଦୀର ଏଭଳି ଦୃଶ୍ୟ ସ୍ଥାନୀୟ ବାସୀନ୍ଦାଙ୍କୁ ଆତଙ୍କିତ କରିଛି  ।

ଏଭଳି ଘଟଣା ଦେଖିବା ପରେ ପ୍ରଶାସନକୁ ଜଣାଇଥିଲେ ସ୍ଥାନୀୟ ଲୋକ  । ସେପଟେ ନଦୀ ଉପରେ ଜୀବୀକ ନିର୍ବାହ କରୁଥିବା ଲୋକଙ୍କୁ ନଦୀକୁ ଯିବାକୁ କିମ୍ବା ମାଛ ନଖାଇବାକୁ ପରାମର୍ଶ ଦେଇଛନ୍ତି ଅରୁଣାଚ ପ୍ରଦେଶ ପ୍ରଶାସନ  । ଅନ୍ୟପଟେ ଏଭଳି ଘଟଣା କେବେ ଘଟିନଥିବାବେଳେ ଏହା ଚୀନର ଏକ ଷଡ଼ଯନ୍ତ୍ର ହୋଇଥିବା ନେଇ ଅନୁମାନ କରିଛନ୍ତି ସ୍ଥାନୀୟ ସରକାର  । ଘଟଣାସ୍ଥଳକୁ ଏକ  ସ୍ୱତନ୍ତ୍ର ତଦନ୍ତକାରୀ ଟିମ ପଠାଯାଇଛି  । କାହିଁକି ହଠାତ କାମେଙ୍ଗ ନଦୀର ଜଳ କଳା ପଡିଲା ଏବଂ ଏହାର ପଛର ପ୍ରକୃତ କାରଣ ଖୋଜୁଛି ଏହି ତଦନ୍ତକାରୀ ଟିମ  ।

ଗୋଟେପଟେ ଜିଲ୍ଲା ମତ୍ସ୍ୟ ଅଧିକାରୀ ଏବଂ ତଦନ୍ତକାରୀ ଟିମ ମଧ୍ୟରେ ତାଳମେଳ ଖାପ ଖାଉନି  । ନଦୀ ଜଳରେ ଟିଡିଏସ ବୃଦ୍ଧି ପାଉଛି  । ଯେଉଁଥିପାଇଁ ରଙ୍ଗ କଳା ପଡୁଛି ଏବଂ ମାଛ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେଉଥିବା କହିଛନ୍ତି ମତ୍ସ୍ୟ ଅଧିକାରୀ  । ଅନ୍ୟପଟେ ତଦନ୍ତକାରୀ ଟିମ କହିଛି, ନଦୀ ଜଳରେ ଲିଟର ପିଛା ୬.୮୦୦ ମିଗ୍ରା ଟିଡିଏସ୍ ରହିଛି । ଯାହା ସାଧାରଣ ନଦୀ ଜଳରେ ମଧ୍ୟ ରହେ  ।  ଜଦି ଜଳର ମାନ ଠିକ ଥିଲା ତେବେ କାହିଁକି ହଠାତ ବଦଳିଗଲା ସବୁକୁଛି  । କାହିଁକି ମରିଗଲେ ହଜାର ହଜାର ମାଛ  ।