ନଦୀରେ ଭାସୁଛି କୁଢ଼କୁଢ଼ ମଲା ମାଛ, କେହି ବିଷ ପକାଇଥିବା ଆଶଙ୍କା

ଆନନ୍ଦପୁର: ନଦୀରେ ଭାସୁଛନ୍ତି କୁଢ଼କୁଢ଼ ମଲାମାଛ । ଛାଣି ନେଉଛନ୍ତି ଲୋକ । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଜଳସୁଆ କୁଶେଇ ନଦୀରେ କୁଢ଼କୁଢ଼ ମଲାମାଛ ଭାସୁଛନ୍ତି । କେବଳ ମାଛ ନୁହଁ, କଇଁଛ, ଗେଣ୍ଡା, କୋଚିଆ ଭଳି ଜଳଜୀବ ମରି ଭାସୁଥିବା ଦେଖିବାକୁ ମିଳିଛି।

ଆଜି ଭୋରରୁ ଏହି ଖବର ପ୍ରଚାରିତ ହେବା ପରେ ମାଛ ନେବାକୁ ଲେକଙ୍କ ଭିଡ ଜମିଛି। ଗଣ୍ଡ ନିକଟରେ କେହି ଦୁର୍ବୃତ୍ତ ବିଷ ପକାଇ ଦେବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ସ୍ଥାନୀୟ ଲୋକ ଅମୁମାନ କରିଛନ୍ତି। ଏନେଇ ପ୍ରଶାସନକୁ ଅବଗତ କରାଯିବା ପରେ ସ୍ଥାନୀୟ ଆରଆଇ ଘଟଣାସ୍ଥଳକୁ ଯାଇଛନ୍ତି। ବିଷ ପକା ଯାଇଥିବା ସନ୍ଦେହ କରାଯାଉଥିବାରୁ ମଲାମାଛ କେହି ନଖାଇବାକୁ ସରପଞ୍ଚ ଡାକବାଜି ଯନ୍ତ୍ର ସାହାଯ୍ୟରେ ସଚେତନ କରାଇଛନ୍ତି।