ଲକଡାଉନରେ ଅଧରାତିରେ ଏକାଠି ହେଲେ ହଜାର ହଜାର ଲୋକ, କଲେ ହୋମଯଜ୍ଞ

ନବରଙ୍ଗପୁର: ରାଜ୍ୟରେ ଜାରି ରହିଛି ଲକଡାଉନ୍ । କରୋନା ସଂକ୍ରମଣ ଚେନକୁ ଭାଙ୍ଗିବାକୁ କଟକଣା ଲାଗୁ ହୋଇଛି । ହେଲେ ନବରଙ୍ଗପୁରରେ ଅଧରାତିରେ ନିୟମ ଭାଙ୍ଗିଛନ୍ତି ହଜାର ହଜାର ଲୋକ । ଧାର୍ମିକ ସମାବେଶ ପାଇଁ ଅନୁମିତ ନଥିବା ସତ୍ତ୍ୱେ ହଜାର ହଜାର ଲୋକ ଏକାଠି ହୋଇ ପୂଜାର୍ଚ୍ଚନା କରିଛନ୍ତି । କରୋନା କଟକଣାକୁ ଏଡ଼ାଇ ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ବ୍ଲକ ମୈଦଲପୁର ଥାନା ଅଞ୍ଚଳରେ ହୋମଯଜ୍ଞ କରାଯାଇଛି ।

Thousand People Gathered In Nabarangpur In Lockdown Night

ମୈଦଲପୁର ଥାନା ନୂଆକୋଟ ପଞ୍ଚାୟତ ଦହଡ଼ାମାଲ ଗାଁରେ ଗତରାତିରେ ଅଲେଖ ଧର୍ମାବଲମ୍ବୀଙ୍କ ପକ୍ଷରୁ ହୋମଯଜ୍ଞ ସହ ପୂଜାର୍ଚ୍ଚନା କରାଯାଇଛି । ଶତାଧିକ ଲୋକ ଏକାଠି ହୋଇଥିବା ବେଳେ ସାମାଜିକ ଦୂରତା ତ ଦୂରର କଥା କାହାରି ମୁହଁରେ ମାସ୍କ ବି ନାହିଁ ।

Thousand People Gathered In Nabarangpur In Lockdown Night

ଯଜ୍ଞ ପାଇ ବିଳମ୍ବିତ ରାତିରେ ଶହ ଶହ ମହିଳା ମୁଣ୍ଡରେ କଳସ ସହ ଦୀପ ଧରି ଶୋଭାଯାତ୍ରାରେ ଗାଁ ପରିକ୍ରମା ମଧ୍ୟ କରିଥିଲେ । କରୋନା କଟକଣାକୁ ଏଡ଼େଇ ମହାଆଡ଼ମ୍ବରରେ ପୂଜାର୍ଚ୍ଚନା ଚାଲିଥିଲା । କୌଣସି ସୂତ୍ରରୁ ପୋଲିସ ସୂଚନା ପାଇବା ପରେ ରାତି ଗୋଟାଏରେ ସେଠାରେ ପହଞ୍ଚି ଲୋକଙ୍କୁ ଘଉଡ଼ାଇ ଥିଲା । ପୂଜା ଦାୟିତ୍ୱରେ ଥିବା ବ୍ୟକ୍ତିଙ୍କୁ ଡାକି ପୋଲିସ ପଚରାଉଚରା କରୁଛି ।

Leave a Reply