ଭୁବନେଶ୍ୱର: ମେଣ୍ଟେନାନ୍ସ ପାଇଁ ରାଜ୍ୟରେ ହେଉଛି ବିଦ୍ୟୁତ କାଟ୍। ଆଗକୁ ଉପଭୋକ୍ତାଙ୍କୁ ସଠିକ ଭାବେ ବିଜୁଳି ସେବା ମିଳିବ। ରାଜ୍ୟରେ ଗ୍ରୀଷ୍ମଲହର ଜାରି ରହିଥିବାରୁ ବିଦ୍ୟୁତ କାଟ ନକରିବା ପାଇଁ ବିତରକ କମ୍ପାନୀଙ୍କୁ ନିର୍ଦ୍ଦେଶ ଦେଇଛି ଶକ୍ତି ବିଭାଗ। ମେ’ ୧ତାରିଖରୁ ରାଜ୍ୟରେ ପାଓ୍ୱାର ସମସ୍ୟା ନାହିଁ ବୋଲି ଶକ୍ତି ସଚିବ କହିଛନ୍ତି । ବିଦ୍ୟୁତ ବିଭାଗରେ ସଂସ୍କାର ଓ ସଶକ୍ତ କରିବା ପାଇଁ ଦୀର୍ଘମିଆଦୀ ଯୋଜନା କାର୍ଯ୍ୟକାରୀ କରାଯାଉଛି। ଏଥିଲାଗି ୫ବର୍ଷ ଭିତରେ ୫ହଜାର ୫୦୦କୋଟି ଟଙ୍କା ଖର୍ଚ୍ଚ କରାଯିବ।
ଶକ୍ତି ବିଭାଗରେ ଆସିବ ବଡ଼ ସଂସ୍କାର। ସୁଦୃଢ ହେବ ଭିତ୍ତିଭୂମି, ରହିବନି ପାଓ୍ୱାର ସମସ୍ୟା। ଶକ୍ତି ବିଭାଗକୁ ଅଧିକ ଶକ୍ତିଶାଳୀ କରିବା ପାଇଁ ଆରମ୍ଭ ହୋଇଛି ଦୀର୍ଘମିଆଦି ଯୋଜନା। ଏଥିଲାଗି ୫ବର୍ଷରେ ୫ହଜାର ୫ଶହ କୋଟି ଟଙ୍କା ଖର୍ଚ୍ଚ କରାଯିବ। ଏଥରେ ଭିତ୍ତିଭୂମି, ବିଦ୍ୟୁତ ସଂରକ୍ଷଣ, ଏଟିସି ଲସ୍ କମାଇବା ଠାରୁ ଆରମ୍ଭ କରି ହାତୀଙ୍କ ପାଇଁ ସ୍ବତନ୍ତ୍ର କରିଡର କରାଯିବ। ଏହାସହ ରାଜ୍ୟରେ ଗ୍ରୀଷ୍ମଲହରୀ ଜାରି ରହିଥିବାରୁ ପାଓ୍ବାଟ କଟ୍ ନକରିବା ପାଇଁ ବିଭିନ୍ନ ବିତରକ ସଂସ୍ଥାକୁ ପରାମର୍ଶ ଦେଇଛି ଶକ୍ତି ବିଭାଗ। ଖରାଦିନରେ ପିକ ଆଓ୍ବାରରେ ଯେତିକି ବିଦ୍ୟୁତ ଆବଶ୍ୟକ ତାଠାରୁ ଅଧିକ ରାଜ୍ୟରେ ଗଚ୍ଛିତ ଥିବା ଶକ୍ତି ସଚିବ କହିଛନ୍ତି। ମେ’ ୧ତାରିଖରୁ ରାଜ୍ୟରେ ବିଜୁଳି ସମସ୍ୟା ନଥିବା ବିଧାନସଭାର ଷ୍ଟାଣ୍ଡିଂ କମିଟିକୁ ଅବଗତ କରିଛି ଶକ୍ତି ବିଭାଗ ।
ସେପଟେ ମେଣ୍ଟେନାନ୍ସ ପାଇଁ ବିଭିନ୍ନ ସ୍ଥାନରେ ବିଦ୍ୟୁତ କାଟ କରାଯାଉଥିବା ବିତରକ କମ୍ପାନୀ କହିଛି। କୋଭିଡ୍ ଓ ବାତ୍ୟା ପାଇଁ ମେଣ୍ଟେନାନ୍ସ ହୋଇ ପାରିନଥିବାରୁ ଏବେ ବିଦ୍ୟୁତ କାଟ କରାଯାଉଛି। ଆଗକୁ ଲୋକଙ୍କୁ ନିରବଚ୍ଛିନ୍ନ ବିଜୁଳି ମିଳିବ ବୋଲି ବିତରକ କମ୍ପାନୀମାନେ କହିଛି। ଗତବର୍ଷ ମେଣ୍ଟେନାନ୍ସ ପାଇଁ ଟାଟା ପାଓ୍ବାର ୨୫୦କୋଟି ଟଙ୍କା ଖର୍ଚ୍ଚ କରିଥିବା ବେଳେ ଏବର୍ଷ ୪୦୦କୋଟି ନିବେଶ କରିବ। ରାଜ୍ୟରେ ବିଜୁଳି ସଂସ୍କାର ପାଇଁ ଷ୍ଟାଣ୍ଡିଂ କମିଟି ବୈଠକରେ ଏ ନେଇ ଘମାଘୋଟ ଆଲୋଚନା ହୋଇଛି।
ଓପିଜିସିର ୪ଟି ୟୁନିଟ ଆସିବା ପରେ ଏବେ ରାଜ୍ୟରେ ଆଉ ଶକ୍ତି ସମସ୍ୟା ନାହିଁ। ହେଲେ ଏଯାଏଁ ଦର୍ଲିପାଲି ୟୁନିଟ ବନ୍ଦ ରହିଛି। ଆଗକୁ ପିଲାଙ୍କ ପରୀକ୍ଷା ଥିବାରୁ ପାଓ୍ବାର କଟ ନକରିବା ପାଇଁ ଶକ୍ତି ବିଭାଗ ବିତରକ କମ୍ପାନୀଙ୍କୁ ନିର୍ଦ୍ଦେଶ ଦେଇଛି।
