ରାଧାପାଦ ଦର୍ଶନ ମନା, ସାକ୍ଷୀଗୋପାଳ ମନ୍ଦିର ପାର୍ଶ୍ୱବର୍ତ୍ତୀ ଅଞ୍ଚଳରେ ୧୪୪ ଧାରା

ଆସନ୍ତାକାଲି ପବିତ୍ର ଅଁଳା ନବମୀ । ସାକ୍ଷୀଗୋପାଳ ସ୍ଥିତ ଗୋପାଳ ଜୀଉ ମନ୍ଦିରରେ ପ୍ରସିଦ୍ଧ ରାଧାପାଦ ଦର୍ଶନ। କିନ୍ତୁ ଚଳିତବର୍ଷ କୋଭିଡ୍ କଟକଣା ଯୋଗୁଁ ଭକ୍ତ ମାନେ ଏହି ଦର୍ଶନରୁ ବଞ୍ଚିତ ହେବେ । ପ୍ରଶାସନ ପକ୍ଷରୁ ଜାରି ହୋଇଛି 144 ଧାରା । ଗୋପାଳ ଜୀୟୁ ମନ୍ଦିର ଚତୁର୍ପାଶ୍ୱର ଦୁଇଶହ ମିଟର ପରିଧି ମଧ୍ୟରେ ୧୪୪ଧାରା ଜାରି ହୋଇଛି ।

କଡା ପୁଲିସ ସୁରକ୍ଷା ମଧ୍ୟରେ ମନ୍ଦିରରେ କେବଳ ନିତି ଚାଲିବ । ଦର୍ଶନ ବ୍ୟବସ୍ଥା ଉପରେ ରହିବ କଟକଣା । କୌଣସ ଭକ୍ତଙ୍କୁ ମନ୍ଦିରର ଦୁଇଶହ ମିଟର ପରିଧି ମଧ୍ୟକୁ ଛଡାଯିବ ନାହିଁ । ଆଜି ବିଳମ୍ବିତ ରାତିଠାରୁ ୨୫ତାରିଖ ପର୍ଯ୍ୟନ୍ତ ମନ୍ଦିର ପରିସରରେ ୧୪୪ଧାରା ବଳବତ୍ତର ରହିବ ବୋଲି କହିଛନ୍ତି ଉପଜିଲ୍ଲାପାଳ ।