ଟି-୨୦ ବିଶ୍ବକପ ପାଇଁ ଭାରତୀୟ ଦଳ ଘୋଷଣା ପରେ ଉଠିଲା ଏହିସବୁ ପ୍ରଶ୍ନ

ନନ୍ଦିଘୋଷ ବ୍ୟୁରୋ: ମଙ୍ଗଳବାର ଟି-୨୦ ବିଶ୍ବକପ ପାଇଁ ଘୋଷଣା ହୋଇଛି ଭାରତୀୟ ଦଳ । ଯାହାକୁ ନେଇ ଏବେ ଦୁଇଦିନ ହେବ ତର୍କ ବିତର୍କ ଲାଗି ରହିଛି । କିଛି ଅଭିଜ୍ଞ ଏବଂ ଯୁବ ଖେଳାଳି ଯେଉଁମାନେ ଫର୍ମରେ ରହିଛନ୍ତି ସେମାନଙ୍କୁ ଦଳରେ ସ୍ଥାନ ମିଳିନଥିବାବେଳେ ଏହାକୁ ନେଇ ବିଭିନ୍ନ ପ୍ରଶ୍ନ ମଧ୍ୟ ଉଠାଇଛନ୍ତି । ଦଳ ଚୟନ ହୋଇଛି ସତ ତେବେ ବ୍ୟାଟିଂକ୍ରମ କିଭଳି ରହିବ ଏବଂ ବୁମରାଙ୍କ ସହ କେଉଁ ବୋଲର ସାଥ୍ ଦେବେ ଏହାକୁ ନେଇ ମଧ୍ୟ ଚର୍ଚ୍ଚା ହେଉଛି । ତେବେ ରୋହିତଙ୍କ ସହ ଜୟସ୍ବାଲ କିମ୍ବା କୋହଲି ଓପନିଂ କରିବେ ତାକୁ ନେଇ ମଧ୍ୟ ଦ୍ବନ୍ଦ । ବିରାଟ କୋହଲି ପାଓ୍ବାର ପ୍ଲେ ପରେ ଧିମା ଖେଳନ୍ତି । ଏପରିକି ସେ ସ୍ପିନରଙ୍କ ବିପକ୍ଷରେ ଭଲ ପ୍ରଦର୍ଶନ କରିପାରନ୍ତି ନାହିଁ । ଏଣୁ ଯଦି କୋହଲି ଫାଷ୍ଟ ଡାଉନରେ ବ୍ୟାଟିଂ ଆସନ୍ତି ତାହେଲେ ଟିମ ସ୍କୋର ବଡ଼ ପାଳିରେ ପରିଣତ ହୋଇପାରିବ ନାହିଁ । ସେପଟେ କୋହଲି ଯଦି ଓପନିଂ ଆସନ୍ତୁ ତାହେଲେ ଜୟସ୍ବାଲ କେଉଁ ସ୍ଥାନରେ ଆସିବେ।