ଗର୍ଲଫ୍ରେଣ୍ଡକୁ ମାସିକ ୮୦ ଲକ୍ଷ ଦରମା ଦେଉଛନ୍ତି ଏହି ଖେଳାଳି
1 min read
ନୂଆଦିଲ୍ଲୀ: ପ୍ରସିଦ୍ଧ ଫୁଟବଲର କ୍ରିଷ୍ଟିୟାନୋ ରୋନାଲ୍ଡୋ ବିଶ୍ୱର ଦାମି ଖେଳାଳିଙ୍କ ମଧ୍ୟରୁ ଜଣେ । କେବଳ ଖେଳ ନୁହେଁ ବରଂ ବାସ୍ତବ ଜୀବନକୁ ନେଇ ମଧ୍ୟ ସେ ଖୁବ୍ ଚର୍ଚ୍ଚାରେ ରୁହନ୍ତି । ଏବେ କିନ୍ତୁ ଖେଳ ପାଇଁ ନୁହେଁ ବରଂ ଗର୍ଲଫ୍ରେଣ୍ଡ୍ ଜର୍ଜିଆ ରୋଡ୍ରିଗେଜଙ୍କୁ ନେଇ ଖବରର ହେଡଲାଇନ୍ ପାଲଟିଛନ୍ତି । ରିପୋର୍ଟ ଅନୁସାରେ ରୋନାଲ୍ଡୋ ତାଙ୍କ ଗର୍ଲଫ୍ରେଣ୍ଡକୁ ଖର୍ଚ୍ଚ ପାଇଁ ମାସିକ ୮୦ ଲକ୍ଷ ଟଙ୍କା ଦିଅନ୍ତି । କିନ୍ତୁ ବ୍ରିଟିଶ ମିଡିଆ ଏହାକୁ ଦରମା ସହିତ ତୁଳନା କରିଛି ।
View this post on Instagram
View this post on Instagram
ସୂଚନା ଅନୁସାରେ ଜର୍ଜିଆ ରୋଡ୍ରିଗେଜଙ୍କୁ ପ୍ରତି ମାସରେ ୮୩ ହଜାର ପାଉଣ୍ଡ୍ ବା ୮୨ ଲକ୍ଷରୁ ଅଧିକ ଟଙ୍କା ପିଲାଙ୍କ ଦେଖାଶୁଣା ଏବଂ ଅନ୍ୟ ଖର୍ଚ୍ଚ ପାଇଁ ଦିଆଯାଉଛି । ଏହା ପୂର୍ବରୁ ରୋନାଲ୍ଡୋ ଗର୍ଲଫ୍ରେଣ୍ଡ ଜର୍ଜିଆଙ୍କୁ ଦେଢ଼ କୋଟିର ଏକ କାର୍ ଉପହାର ଦେଇଥିଲେ ।
View this post on Instagram
ଉଭୟ ଲଗଜରୀ ଜୀବନ ବିତାନ୍ତି । ଯାହାର ଝଲକ୍ ଜର୍ଜିଆଙ୍କ ସୋସିଅଲ ମିଡିଆ ଆକାଉଣ୍ଟ ଦେଖିଲେ ଜଣାପଡ଼େ । ୨୦୧୭ ପରଠାରୁ ଦୁଇଜଣ ପରସ୍ପର ସହିତ ଅଛନ୍ତି ।
ସୂଚନାଯୋଗ୍ୟ, ଜର୍ଜିଆ ପେଶାରେ ଜଣେ ମଡେଲ । ସେ ଖୁବ୍ ଦାମି ବ୍ରାଣ୍ଡରେ ବିଜ୍ଞାପନରେ ନଜର ଆସିଛନ୍ତି । ଇଂଷ୍ଟାଗ୍ରାମରେ ତାଙ୍କର ୩୬ ମିଲିୟନରୁ ଅଧିକ ଫଲୋର୍ସ ଅଛନ୍ତି । ନିକଟରେ ତାଙ୍କ ଜୀବନୀ ଉପରେ ଏକ ଫିଲ୍ମ ନିର୍ମାଣ ହୋଇଥିଲା ।
ରିପୋର୍ଟ ଅନୁସାରେ ଦିନେ ଏକ ଷ୍ଟୋରରେ କାମ କରୁଥିବା ଜର୍ଜିଆଙ୍କ ଜୀବନ ରୋନାଲ୍ଡୋଙ୍କ ସହିତ ଦେଖା ହେବାପରେ ବଦଳିଗଲା । ଜର୍ଜିଆ ରହୁଥିବା ଘରର ମୂଲ୍ୟ ୪୮ କୋଟି ।
