ନନ୍ଦିଘୋଷ ବ୍ୟୁରୋ : ଭାରତରେ ଅନେକ ସିନେମା ତିଆରି ହୁଏ। ପ୍ରତ୍ୟେକ ଫିଲ୍ମ ଇଣ୍ଡଷ୍ଟ୍ରିରୁ ବିଭିନ୍ନ ପ୍ରକାର ରିଲିଜ୍ ହୁଏ । କିଛି ସୁପରହିଟ୍ , ବ୍ଲକବଷ୍ଟର ହୁଏ ତ ଏବଂ କିଛି ଫ୍ଲପ୍ ହୁଏ। କାରଣ ଗୋଟିଏ ମାସ ମଧ୍ୟରେ ସିନେମାଗୁଡ଼ିକ ସିନେମା ହଲ୍ରୁ ହଟିଯାଏ। କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ସିନେମା ବିଷୟରେ କହିବାକୁ ଯାଉଛୁ ଯାହା ଗୋଟିଏ ବର୍ଷରୁ ଅଧିକ ସମୟ ଧରି ସିନେମା ହଲରେ ଚାଲିଥିଲା। ଏହା ଏହାର ବଜେଟ୍ ଠାରୁ ୧୦୭ ଗୁଣ ଅଧିକ ରୋଜଗାର କରିଥିଲା।
୨୦୦୬ ମସିହାରେ ରିଲିଜ୍ ହୋଇଥିଲା ଫିଲ୍ମ ‘ମୁଙ୍ଗାରୁ ମାଲେ’ । ଯାହାର ଲେଖକ ଏବଂ ନିର୍ଦ୍ଦେଶକ ଯୋଗରାଜ ଭଟ୍ଟ ଥିଲେ। ଏହି ରୋମାଣ୍ଟିକ-ଡ୍ରାମା ବିଶିଷ୍ଟ ଚଳଚିତ୍ର ବକ୍ସ ଅଫିସରେ ବହୁତ ଟଙ୍କା ରୋଜଗାର କରିଥିଲା। ଏଥିରେ ଗଣେଶ ଏବଂ ପୂଜା ଗାନ୍ଧୀ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଥିଲେ। ଅନନ୍ତ ନାଗ ମଧ୍ୟ ଏଥିରେ ଅଭିନୟ କରିଥିଲେ । ୭୦ଲକ୍ଷ ଟଙ୍କା ବଜେଟରେ ନିର୍ମିତ ‘ମୁଙ୍ଗାରୁ ମାଲେ’ ଏକ ସ୍ଲିପର ହିଟ୍ ଏବଂ ଏପର୍ଯ୍ୟନ୍ତ ସର୍ବାଧିକ ଆୟକାରୀ କନ୍ନଡ ଚଳଚ୍ଚିତ୍ର ମଧ୍ୟରୁ ଗୋଟିଏ ବୋଲି କୁହାଯାଉଛି ।
ବର୍ଷେରୁ ଅଧିକ ଦିନ ଚାଲିଥିଲା ଏହି ଫିଲ୍ମ
‘ମୁଙ୍ଗାରୁ ମାଲେ’ ଗୋଟିଏ ବର୍ଷରୁ ଅଧିକ ସମୟ ଧରି ମଲ୍ଟିପ୍ଲେକ୍ସରେ ଥିଲା। ଏହି ସିନେମାଟି PVR ବାଙ୍ଗାଲୋରରେ ୪୬୦ ଦିନ ଧରି ଥିଏଟରରେ ରାଜ୍ କରିଥିଲା। ଏହା ବିଶ୍ୱବ୍ୟାପୀ ୫୦ କୋଟି ଟଙ୍କା ଅତିକ୍ରମ କରିବାରେ ପ୍ରଥମ କନ୍ନଡ ଚଳଚ୍ଚିତ୍ର ହୋଇଥିଲା ଏବଂ ଏହାର ମୋଟ ୭୫କୋଟି ଟଙ୍କା ରୋଜଗାର କରି ରେକର୍ଡ କରିଥିଲା ।
ଫିଲ୍ମର ପ୍ରଯୋଜକଙ୍କ ଘରେ ଆଇଟି ରେଡ୍ ହୋଇଥିଲା
ଫିଲ୍ମଟି ରିଲିଜ୍ ହେବା ମାତ୍ରେ ପୂଜା ଏବଂ ଗଣେଶ ଉଭୟ ରାତାରାତି ସୁପରଷ୍ଟାର ହୋଇଗଲେ। ସେମାନେ ଅନକେ ନୂଆ ସିନେମାରେ ମଧ୍ୟ କାମ କରି ଅନେକ ହିଟ୍ ଫିଲ୍ମ ଦେଇଛନ୍ତି । ତଥାପି, ଏହି ଫିଲ୍ମର ପ୍ରଯୋଜକ ଇ. କୃଷ୍ଣଙ୍କ ଘରେ ଆୟକର ବିଭାଗ ଦ୍ୱାରା ଚଢାଉ କରାଯାଇଥିଲା। ଫିଲ୍ମଟି ଯେତେବେଳେ ୬୭.୫୦ କୋଟି ଆୟ କରିସାରିଥିଲା, ସେବେ ବିଭାଗ ଦାବି କରିଥିଲା ଯେ ତାଙ୍କୁ ଏଥିରେ ଟିକସ ଦେବାକୁ ପଡିବ। ଏଥିପାଇଁ, ପ୍ରଯୋଜକଙ୍କ ଉପରେ ଚଢାଉ କରାଯାଇଥିଲା। ‘ମୁଙ୍ଗାରୁ ମାଲେ’ର ବକ୍ସ ଅଫିସ ରେକର୍ଡ ଦଶ ବର୍ଷରୁ ଅଧିକ ସମୟ ପାଇଁ ଅକ୍ଷୁର୍ଣ୍ଣ ରହିଥିଲା। କିନ୍ତୁ ୟଶଙ୍କ KGF ଚାପ୍ଟର 1 ରିଲିଜ୍ ପରେ, ଏହି ରେକର୍ଡ ଭାଙ୍ଗିଥିଲା।
