ଥାନା ପରିସରରେ କିନ୍ନରଙ୍କ ତାଣ୍ଡବ: ଉଲଗ୍ନ ହେଲେ, ଥାନା ଅଧିକାରୀଙ୍କୁ ମାଡ଼ ମାରିଲେ
ବାରିପଦା: ମୟୂରଭଞ୍ଜ ଜିଲ୍ଲା ବହଳଦା ଥାନା ପରିସରରେ କିନ୍ନରଙ୍କ ତାଣ୍ଡବ । ୩ ଘଣ୍ଟାରୁ ଅଧିକ ସମୟ ଧରି ଥାନା ପରିସରରେ କଲେ ହୋହାଲ୍ଲା । ବେଞ୍ଚ ଡେସ୍କ ବାହାରକୁ କାଢ଼ି ନେଇ ଭାଙ୍ଗି ଚୁରମାର କରିବା ସହ ଅଶ୍ଳୀଳ ଭାଷାରେ କଲେ ଗାଳିଗୁଲଜ । ଥାନା ଅଧିକାରୀଙ୍କୁ ଟଣାଓଟରା ସହ ମାଡ଼ ମାରିଲେ କିନ୍ନର। ନିଜ ଅଙ୍ଗବସ୍ତ୍ର ଖୋଲି ଥାନା ପରିସରରେ କଲେ ତାଣ୍ଡବ ନୃତ୍ୟ । ନୀରବଦ୍ରଷ୍ଟା ସାଜିଲା ପୋଲିସ ।
ସୂଚନାଯୋଗ୍ୟ, କିନ୍ନର ସହ ଜଣେ ଯୁବକର ଅନ୍ତରଙ୍ଗ ପ୍ରେମ ସମ୍ପର୍କ ଭିଡିଓ ଭାଇରଲ ହେବା ଘଟଣାକୁ ନେଇ ଥାନାରେ ଏଫଆଇଆର ଦେବାକୁ ରାଜନଗର ଅଞ୍ଚଳରୁ କିନ୍ନରମାନେ ଆସିଥିଲେ । ହେଲେ ପୋଲିସ ଅଭିଯୋଗ ଗ୍ରହଣ କରି ନଥିଲା । ଯାହାକୁ ନେଇ କିନ୍ନରମାନେ ରାଗି ଯାଇ ଥାନାରେ ପଶି ଏଭଳି କାଣ୍ଡ ଭିଆଇଛନ୍ତି ।
