ନନ୍ଦିଘୋଷ ବ୍ୟୁରୋ : ପୋଲିସ ଘରୁ ଚୋରି । ପୋଲିସ କର୍ମଚାରୀଙ୍କ ଘରେ ପଶି ନଗଦ ଟଙ୍କା ସହ ସୁନା ଅଳଙ୍କାର ଲୁଟିନେଲେ ଦୁର୍ବୃତ୍ତ । ଦିନ ଦ୍ଵିପହରରେ ଘରେ ପଶି ବୁଲାଇଲେ କଳାକନା । ଯାଜପୁର ଧର୍ମଶାଳା ଥାନା ଅଧୀନ ଜାରକା ଝାଲସୁଖା ମୌଜାରେ ରହୁଥିବା ଜଣେ ପୋଲିସ କର୍ମଚାରୀଙ୍କ ଘରୁ କଳାକନା ବୁଲାଇଛନ୍ତି ଦୃର୍ବୁତ୍ତ । ଯାଜପୁର ରୋଡ ଥାନାରେ ଚାକିରୀ କରିଥିବା ହାବିଲଦାର ବିଦ୍ୟାଧର ସେଠୀଙ୍କ ଘରୁ ଲୁଟ ହୋଇଛି । ବିଦ୍ୟାଧରଙ୍କ ସ୍ତ୍ରୀ ବି ଜଣେ ଶିକ୍ଷୟିତ୍ରୀ । ଦୁହେଁ ନିଜ କର୍ମ କ୍ଷେତ୍ରକୁ ଯାଇଥିବା ବେଳେ ଦୁବୃର୍ତ୍ତ ମାନେ ତାଲା ଭାଙ୍ଗି ଘରେ ପଶି ୧ ଲକ୍ଷରୁ ଅଧିକ ନଗଦ ଟଙ୍କା ଓ ସୁନା ରୂପା ଅଳଙ୍କାର ଲୁଟି ନେଇଛନ୍ତି । ଖବର ପାଇ ଘଟଣା ସ୍ଥଳରେ ଧର୍ମଶାଳା ପୋଲିସ ଓ ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଚଳାଇଛି । ଦିନକୁ ଦିନ ଧର୍ମଶାଳା ଅଞ୍ଚଳରେ ଚୋରି ଡକାୟତି ଓ ରାହାଜାନୀ ବଢ଼ି ବଢ଼ି ଚାଲିଛି । ଏନେଇ ପୋଲିସ ପ୍ରଶାସନ ପକ୍ଷରୁ ବ୍ୟାପକ ପାଟ୍ରୋଲିଂ ବ୍ୟବସ୍ଥା କରିବାକୁ ବିଭିନ୍ନ ମହଲରେ ଦାବି ହୋଇଛି ।
