ମନ୍ଦିର ଭାଙ୍ଗି ପୋତାଧନ ଖୋଜୁଥିଲେ, ଗ୍ରାମବାସୀ ଆସି ଯିବାରୁ ଚମ୍ପଟ ମାରିଲେ

ଟିଟିଲାଗଡ଼: ପୋତାଧନ ପାଇବା ଆଶାରେ ଭାଙ୍ଗୁଥିଲେ ପୁରାତନ ମନ୍ଦିର । ଗ୍ରାମବାସୀ ଘେରିବାରୁ ବାଇକ୍‌ ଛାଡି ଫେରାର ହୋଇଗଲେ ଦୁର୍ବୃତ୍ତ । ଘଟଣା ଘଟିଛି ଟିଟିଲାଗଡ ଥାନା କୁମ୍ଭେଇପଡା ଗାଁରେ ।

ରାତି ପ୍ରାୟ ୧୦ଟାରେ ଗାଁ ମୁଣ୍ଡରେ ଥିବା ବହୁ ପୁରାତନ ମନ୍ଦିରରୁ କିଛି ଶବ୍ଦ ଓ ଲାଇଟ ଦେଖିବାକୁ ପାଇଥିଲେ ଗ୍ରାମବାସୀ । କ’ଣ ହେଉଛି ହଠାତ ବୁଝିନପରି ସମସ୍ତେ ଏକତ୍ରିତ ହୋଇ ମନ୍ଦିର ନିକଟକୁ ପହଞ୍ଚିଥିଲେ । ଏହି ସମୟରେ ଗ୍ରାମବାସୀ ମନ୍ଦିର ନିକଟକୁ ଆସୁଥିବା ଦେଖି ଦୁର୍ବୃତ୍ତ ଘାଟଣାସ୍ଥଳରୁ ନିଜ ବାଇକ୍ ଓ ମନ୍ଦିର ଖୋଲିବା ପାଇଁ ଆଣିଥିବା ଅନ୍ୟାନ୍ୟ ଅସ୍ତ୍ର ଶସ୍ତ୍ର ଛାଡି ଅନ୍ଧାରର ସୁଯୋଗ ନେଇ ପଳାଇଥିଲେ । ଗ୍ରାମବାସୀ ଟିଟିଲାଗଡ ପୋଲିସକୁ ଖବର ଦେବା ପରେ ପୋଲିସ ଗାଁରେ ପହଞ୍ଚି ୩ଟି ବାଇକ୍ ଜବତ କରି ତଦନ୍ତ ଜାରି ରଖିଛି  ।