ମକର ରାଶିରେ ଚଳନ କରିବେ ବୁଧ; ଏହି ରାଶିର ବ୍ୟକ୍ତି ରୁହନ୍ତୁ ସାବଧାନ…

ଭୁବନେଶ୍ୱର: ମଣିଷ ଜୀବନରେ ଗ୍ରହ ନକ୍ଷତ୍ରର ବହୁ ଗୁରୁତ୍ୱ ରହିଛି। ଜ୍ୟୋତିଷ ଶାସ୍ତ୍ରାନୁସାରେ ଡିସେମ୍ବର ୨୯ ତାରିଖରେ ମକର ରାଶିରେ ବୁଧଙ୍କ ଚଳନ ହେବ। ଫଳରେ ଏହି ନବ ବର୍ଷ କିଛି ରାଶିର ବ୍ୟକ୍ତିଙ୍କୁ ଶୁଭଫଳ ପ୍ରଦାନ କରିବାକୁ ଥିବା ବେଳେ ଆଉ କିଛି ରାଶି ପାଇଁ ଏତେଟା ଶୁଭଙ୍କର ହୋଇନପାରେ।

ଜ୍ୟୋତିଷ ଶାସ୍ତ୍ର ଅନୁସାରେ ଡିସେମ୍ବର ୨୯ ତାରିଖ ୧୧ଟା ୩୨ମି.ରେ ବୁଧ ଗ୍ରହ ମକର ରାଶିକୁ ଚଳନ କରିବ। ତେବେ ଆସନ୍ତୁ ଜାଣିବା ଏହି ଚଳନ କେଉଁ ରାଶି ଉପରେ କି ପ୍ରଭାବ ପକାଇବ…

ମିଥୁନ ରାଶି-

ଏହି ରାଶିର ଅଷ୍ଟମ ଭାଗରେ ବୁଧ ଚଳନ ହେବ। ଯାହା ଫଳରେ ମନ ସବୁବେଳେ ଚଞ୍ଚଳ ରହିବ । ଅସ୍ଥିର ମନକୁ ଆୟତ୍ତରେ ରଖିବା ଲାଗି ଏହି ରାଶିର ବ୍ୟକ୍ତି ଯୋଗ ତଥା ଧ୍ୟାନ୍ କରିବା ଉଚିତ୍ । ବିଦେଶୀ କମ୍ପାନୀରେ କାମ କରୁଥିଲେ ଆପଣଙ୍କ କାର୍ଯ୍ୟ ବରିଷ୍ଠଙ୍କ ଦୃଷ୍ଟି ଆକର୍ଷଣ କରିବ । ଯାହା ଭବିଷ୍ୟତରେ ଆପଣଙ୍କ ପାଇଁ ଲାଭବାନ ହୋଇପାରେ । ସେଥିପାଇଁ ଏକାଗ୍ରତାର ସହ କାମ କରନ୍ତୁ ଏବଂ ଯାନବାହନ ଚଳାଚଳ ବେଳେ ଯଥାସମ୍ଭବ ସତର୍କତା ଅବଲମ୍ବନ କରନ୍ତୁ । ଏହି ଚଳନ ଆଉ କିଛି ବ୍ୟକ୍ତିଙ୍କ ଉପରେ ଧନବର୍ଷା କରିପାରେ ।

ସିଂହ ରାଶି-

ଏହି ରାଶିର ବ୍ୟକ୍ତିଙ୍କୁ ଚର୍ମ ସମ୍ବନ୍ଧୀୟ ସମସ୍ୟା ହୋଇପାରେ । ଆଲର୍ଜି ହେଉଥିବା ଖାଦ୍ୟରୁ ବଞ୍ଚନ୍ତୁ । ବିରୋଧି ମାନେ ଆପଣଙ୍କୁ କ୍ଷତି ପହଞ୍ଚାଇପାରନ୍ତି । ଏହି ରାଶିର ବ୍ୟକ୍ତି ଭାବିଚିନ୍ତି କଥାବାର୍ତ୍ତା କରନ୍ତୁ । ମାନ-ପ୍ରତିଷ୍ଠା ଉପରେ ଆଞ୍ଚ ଆସିପାରେ । କୋର୍ଟ କଚେରୀ ମାମଲାରେ ଫସିଲେ ଭାବି ଚିନ୍ତି ନିଷ୍ପତ୍ତି ନିଅନ୍ତୁ। ତେବେ ଆପଣଙ୍କୁ ଜୀବନସାଥୀଙ୍କ ସମ୍ପୂର୍ଣ୍ଣ ସହଯୋଗ ମିଳିବ ।

କନ୍ୟା ରାଶି-

କନ୍ୟା ରାଶିର ସ୍ୱାମୀ ହେଉଛନ୍ତି ବୁଧ ଗ୍ରହ। ମକର ରାଶିକୁ ବୁଧ ଚଳନ ବେଳେ ଏହା କନ୍ୟା ରାଶିର ୫ମ ଭାଗରେ ରହିବ । ଏସମୟରେ କନ୍ୟା ରାଶିର ବ୍ୟକ୍ତିଙ୍କୁ ଶୁଭଫଳ ମିଳିବାକୁ ଥିବା ବେଳେ କିଛିଟା ସତର୍କ ମଧ୍ୟ ରହିବାକୁ ପଡିପାରେ । ସନ୍ତାନ ମାନଙ୍କୁ ନେଇ ମାତା ପିତା ଚିନ୍ତାରେ ରହିପାରନ୍ତି । ଏଥିସହିତ ପିଲା ମାନଙ୍କୁ ଭୁଲ୍ ରାସ୍ତାରେ ଯିବାକୁ ଅଟକାନ୍ତୁ ।