୧୪ ଏପ୍ରିଲରୁ ଏହି ୩ଟି ରାଶିର ଖରାପ ସମୟ ଆରମ୍ଭ

ନୂଆଦିଲ୍ଲୀ: ୧୪ ଏପ୍ରିଲରୁ ସୂର୍ଯ୍ୟ ରାଶି ପରିବର୍ତ୍ତନ କରିବାକୁ ଯାଉଛନ୍ତି  । ଏହିଦିନ ପ୍ରାୟ ସକାଳ ୮ଟା ୫୬ ମିନିଟରେ ମେଶ ରାଶିରେ ପ୍ରବେଶ କରିବେ ସୂର୍ଯ୍ୟ । ଜ୍ୟୋତିର୍ବିଦଙ୍କ କହିବା ହେଉଛି ସୂର୍ଯ୍ୟଙ୍କ ଏହି ରାଶି ପରିବର୍ତ୍ତନ କେତେକ ରାଶି ପାଇଁ ଖୁବ୍‌ ଗୁରୁତ୍ୱପୂର୍ଣ୍ଣ ।  କିନ୍ତୁ ମେଷ, ବୃଷ ଏବଂ ମୀନ ରାଶି ପାଇଁ ଏହା ଖୁବ୍‌ କଷ୍ଟଦାୟକ ରହିବ । ତେଣୁ ଏହି ସମସ୍ତ ରାଶି ସାବଧାନତା ଅବଲମ୍ବନ କରିବା ଉଚିତ୍‌ ।

ମେଷ:  ଏହି ସମୟରେ ଆପଣଙ୍କୁ ସାବଧାନତା ଅବଲମ୍ବନ କରିବାକୁ ପଡ଼ିବ । କର୍ମସ୍ଥଳରେ କଳହ ଭଳି ପରିସ୍ଥିତି ସୃଷ୍ଟି ହୋଇପାରେ । ଏହାର ପ୍ରଭାବ ଆପଣଙ୍କ ଚାକିରି ଏବଂ ବ୍ୟବସାୟ ଉପରେ ପଡ଼ିପାରେ । ଅହଂକାର ହେତୁ ଆପଣଙ୍କ ପ୍ରେମ ଜୀବନରେ ସ୍ଥିତି ବିଗିଡ଼ିପାରେ ଏବଂ ସମ୍ପର୍କରେ ଭଟ୍ଟା ଆସିପାରେ । ବନ୍ଧୁ ଏବଂ ସମ୍ପର୍କୀୟଙ୍କ ସହିତ  ବିବାଦ ସୃଷ୍ଟି ହେଲେ ସମସ୍ୟାରେ ପଡ଼ିପାରନ୍ତି ।

ବୃଷ: ସୂର୍ଯ୍ୟ ଆପଣଙ୍କ ରାଶିରେ ବିରାଜମାନ କରିବା ଦ୍ୱାରା ଆପଣ  ବିଦେଶରୁ ଭଲ ଲାଭ ପାଇବେ । ଆପଣଙ୍କ ଖର୍ଚ୍ଚ ବଢ଼ିପାରେ । ଧାରକୁ ଦେଇଥିବା ଟଙ୍କା ବୁଡ଼ିଯାଇପାରେ । କର୍ମକ୍ଷେତ୍ରରେ ନିଜ ଶତ୍ରୁକୁ ନେଇ ସାବଧାନ ରହିବା ଜରୁରୀ । ଏହାଦ୍ୱାରା ଆପଣଙ୍କ ଚିନ୍ତା ବଢ଼ିପାରେ । ବ୍ୟବସାୟକୁ ସନ୍ତୋଷଜନକ ଭାବରେ ଚଲାଇବାକୁ ହେଲେ ଆପଣଙ୍କୁ ପୂର୍ବାପେକ୍ଷା ଅଧିକ ପରିଶ୍ରମ କରିବାକୁ ପଡ଼ିବ ।

ମୀନ ରାଶି:  ସୂର୍ଯ୍ୟଙ୍କ ସ୍ଥାନ ପରିବର୍ତ୍ତନ ଆପଣଙ୍କ ପାଇଁ ଆର୍ଥିକ ସମସ୍ୟା ସୃଷ୍ଟି କରିପାରେ । ଏଥିପାଇଁ ଆପଣଙ୍କୁ ଖୁବ ସତର୍କତା ଅବଲମ୍ବନ କରିବାକୁ ପଡ଼ିବ । ଧନ ସମ୍ବଦ୍ଧୀୟ କୌଣସି ନିଷ୍ପତ୍ତି ନେବା ପୂର୍ବରୁ ସତର୍କ ରୁହନ୍ତୁ ।  ପାରିବାରିକ ଖର୍ଚ୍ଚ ମଧ୍ୟ ବଢ଼ିପାରେ । ଆପଣଙ୍କ ମଧ୍ୟରେ କ୍ରୋଧ ଏବଂ କଥାରେ ଅସଭ୍ୟତା ଆସିପାରେ, ତେଣୁ ଜଗିରଖି କଥା କହିବେ । ସାଙ୍ଗରେ କାମ କରୁଥିବା କର୍ମଚାରୀଙ୍କ ସହିତ ସମ୍ପର୍କ ଖରାପ ହୋଇପାରେ । ତେଣୁ ସତର୍କ ରୁହନ୍ତୁ ।

ଏହାକୁ ବାଦ୍‌ ଦେଲେ ମିଥୁନ,କର୍କଟ,ସିଂହ, କନ୍ୟା, ତୁଳା, ବିଛା,ଧନୁ, ମକର ଏବଂ କୁମ୍ଭ ରାଶିର ଆର୍ଥିକ ସ୍ଥିତି ସୁଦୃଢ଼ ହେବ ।