ମୋହମାୟା ବାନ୍ଧି ପାରିଲାନି, କୋଟିକୋଟି ସମ୍ପତ୍ତି ଛାଡି ହେଲେ ଜୖେନ ଭିକ୍ଷୁ
1 min read
ନୂଆଦିଲ୍ଲୀ: ଜୀବନକୁ ସୁଖ ସ୍ୱାଚ୍ଛନ୍ଦରେ ଅତିବାହିତ କରିବା ଲାଗି ଏବେକା ସମୟରେ ସମସ୍ତେ ଲାଗି ପଡିଛନ୍ତି । ହେଲେ ଦୁନିଆରେ ଏଭଳି ଲୋକ ମଧ୍ୟ ରହିଛନ୍ତି ଯେଉଁମାନେ ଅଚଳାଚଳ ସମ୍ପତ୍ତିକୁ ଛାଡି ଆଧ୍ୟାତ୍ମିକ ପଥ ଅନୁସରଣ କରିଛନ୍ତି। ଆଉ କେହିକେହି ଘରଦ୍ୱାର ଛାଡି ସାଧୁସନ୍ଥ ହୋଇଛନ୍ତି ।
ଆସନ୍ତୁ ଜାଣିବା ସେଭଳି କିଛି ବ୍ୟକ୍ତିଙ୍କ ସମ୍ପର୍କରେ…
ହଂକଂର ହୀରା ବ୍ୟବସାୟୀ-
ହଂକଂ ବାସିନ୍ଦା ପ୍ୟାରୀ ଶାହା (୨୩) ତାଙ୍କ ଜେଜେମା ଇନ୍ଦୁବେନ୍ ଶାହା ଏବଂ ମାତା ହେତଲବେନ୍ ରାମଚନ୍ଦ୍ର ସମ୍ପ୍ରଦାୟର ସାଧ୍ୱୀ ହିତଦର୍ଶନୀଶ୍ରୀଜିଙ୍କ ମାର୍ଗ ଅନୁସରଣ କରି ଦୀକ୍ଷା ନେଇଥିଲେ । ଏହି ତିନିଜଣ ମହିଳା ହଂକଂର ଏକ ପ୍ରମୁଖ ହୀରା ଫାର୍ମ ପରିବାରର ସଦସ୍ୟ । ଅଚଳାଚଳ ସମ୍ପତ୍ତି ମଧ୍ୟ ସେମାନଙ୍କୁ ଆକର୍ଷିତ କରିପାରିନାହିଁ । ବର୍ତ୍ତମାନ ସେମାନେ ନିଜ ଜୀବନକୁ ଜୖେନ ଭିକ୍ଷୁ ଭାବରେ ବିତାଇବାକୁ ନିଷ୍ପତ୍ତି ନେଇଛନ୍ତି ।
୨୪ ବର୍ଷୀୟ ଚାର୍ଟାର୍ଡ ଆକାଉଣ୍ଟାଣ୍ଟ ହେଲେ ଜୖେନ ଭିକ୍ଷୁ-
୨୦୧୮ ମସିହା ଏପ୍ରିଲ ମାସରେ ଜଣେ ୨୪ ବର୍ଷୀୟ ଚାର୍ଟାର୍ଡ ଆକାଉଣ୍ଟାଣ୍ଟ (ସିଏ) ଜୖେନ ଭିକ୍ଷୁ ହେବାକୁ ନିଷ୍ପତ୍ତି ନେଇଥିଲେ । ମୁମ୍ବାଇର ଏକ ବ୍ୟବସାୟିକ ପରିବାରରୁ ଆସିଥିବା ମୋକ୍ଷେଶ ସେଠ କୋଟି କୋଟି ସମ୍ପତ୍ତି ଛାଡି ଆଧ୍ୟାତ୍ମିକ ମାର୍ଗ ଆପଣାଇଥିଲେ । ଗାନ୍ଧିନଗର-ଅହମ୍ମଦାବାଦ ରାସ୍ତାରେ ଥିବା ତପୋବନ ସର୍କଲରେ ଆୟୋଜିତ ଏକ ସମାରୋହରେ ସେ ଜୖେନ ଭିକ୍ଷୁରେ ପରିଗଣିତ ହୋଇଥିଲେ । ଭାବରେ କାର୍ଯ୍ୟ ଆରମ୍ଭ କରିଥିଲେ। ମୋକ୍ଷେଶ କୁହନ୍ତି ଯେ ସେ ଶାନ୍ତି ଚାହୁଁଥିଲେ ହେଲେ ତାହା ଭୗେତିକ ଜଗତରେ ମିଳିପାରୁନଥିଲା । ଯେଉଁଥିପାଇଁ ସେ ଏଭଳି ପଥ ଅନୁସରଣ କଲେ ।
୩ ବର୍ଷର ଝିଅକୁ ଛାଡି ଦୀକ୍ଷା ନେଲେ ଏହି ଦମ୍ପତ୍ତି
୨୦୧୭ ମସିହାରେ ମଧ୍ୟପ୍ରଦେଶର ନିମୁଚରେ ଜଣେ ଦମ୍ପତ୍ତି ନିଜ ୩ ବର୍ଷର ଝିଅକୁ ଛାଡି ଦୀକ୍ଷା ନେଇଥିଲେ । ଯାହା ସେସମୟରେ ଚର୍ଚ୍ଚାର ବିଷୟ ପାଲଟିଥିଲା । ସେପ୍ଟେମ୍ବର ୨୩ରେ ସ୍ୱାମୀ ସୁମିତ ପ୍ରଥମେ ଦୀକ୍ଷା ନେଇଥିବା ବେଳେ ପରେ ତାଙ୍କ ପତ୍ନୀ ଅନାମିକା ଦୀକ୍ଷା ନେଇଥିଲେ । ୧୦୦ କୋଟି ଟଙ୍କାର ସମ୍ପତ୍ତି ଓ ଝିଅ ମୋହ ଛାଡି ସେ ପରିଶେଷରେ ଜୖେନ ଭିକ୍ଷୁ ହୋଇଥିଲେ ।
