ଫିଲ୍ମ ପାଇଁ ନିଜ ଶରୀରକୁ ନେଇ ଏକ୍ସପେରିମେଣ୍ଟ୍ କରିଥିଲେ ଏହି ବଲିଉଡ୍ ଷ୍ଟାର୍

ବଲିଉଡ୍ ଇଣ୍ଡଷ୍ଟ୍ରିରେ ଏମିତି ଅନେକ ସେଲିବ୍ରିଟି ଅଛନ୍ତି, ଯେଉଁମାନେ ନିଜ କ୍ୟାରିଅର ନେଇ ବହୁତ ସିରିୟସ୍ । ଫିଲ୍ମ ପାଇଁ ନିଜ ଲୁକ୍ ରେ ସେମାନେ ଅନେକ ପରିବର୍ତ୍ତନ ଆଣିଛନ୍ତି, ଆଉ ଏଥିପାଇଁ କଠିନ ପରିଶ୍ରମ ବି କରିଛନ୍ତି  । ସତ କଥା କହିବାକୁ ଗଲେ, ନିଜ କ୍ୟାରିଅର ପାଇଁ ବା ଫିଲ୍ମ ହିଟ୍ କରିବାକୁ ସେମାନେ ନିଜ ଶରୀରକୁ ବାଜିରେ ଲଗାଇ ଦେଇଥିଲେ । ଆପଣ ବି ସେ ଫିଲ୍ମ ହେଉ ଅବା ଫିଲ୍ମର ଝଲକ ନିହାତି ଦେଖିଥିବେ  । ତେବେ ଚାଲନ୍ତୁ ଜାଣିବା ସେହି ଖାସ୍ ସେଲିବ୍ରିଟିମାନଙ୍କୁ ଯେଉଁମାନେ କି ନିଜ ଲୁକ୍ ବଦଳାଇ ଫିଲ୍ମ ହିଟ୍ କରାଇଥିଲେ ବା ଚର୍ଚ୍ଚିତ ହୋଇଥିଲେ ।

ଆମିର୍ ଖାନ୍

ବଲିଉଡ୍ ଜଗତର ନାଁକରା ଅଭିନେତା ଆମିର୍ ଖାନ୍  । ତାଙ୍କୁ କିଏ ବା ନ ଜାଣେ  । ସେ ଫିଲ୍ମ ଦଙ୍ଗଲ୍ ପାଇଁ ନିଜ ଲୁକକୁ ନେଇ ଏକ୍ସପେରିମେଣ୍ଟ କରିବା ସହ ସଫଳ ବି ହୋଇଛନ୍ତି  । ସେ ଏହି ଫିଲ୍ମରେ ଭୟାନକ ଭାବେ ଓଜନ ବଢ଼ାଇଥିଲେ  । ଏଥିସହ କିଛି ଦିନ ପରେ ନିଜ ଶରୀରକୁ ଏକଦମ୍ ମଶଲ୍ ମ୍ୟାନ୍ ଭାବେ ବନାଇ ସମସ୍ତଙ୍କୁ ଚକିତ କରାଦେଇଥିଲେ  ।

ରଣବୀର୍ କପୁର

ଆଉ ଜଣେ ଷ୍ଟାର୍ ହେଲେ ରଣବୀର କପୁର । କିଛିଦିନ ତଳେ ରିଲିଜ୍ ହେଇଥିବା ଫିଲ୍ମ ସଞ୍ଜୁରେ ତାଙ୍କର ଚତ୍ମକାର ଅଭିନୟ ଦେଖିବାକୁ ମିଳିଥିବା ବେଳେ ଫିଲ୍ମଟି ବ୍ଲକ୍ ବଷ୍ଟର୍ ହୋଇଥିଲା  । ଏଥିରେ ସେ ସଞ୍ଜୟ ଦତ୍ତଙ୍କ ରୋଲରେ ନଜର ଆସିଥିଲେ  । ଦର୍ଶକ ବି କାଫି ପସନ୍ଦ କରିଥିଲେ  । କିନ୍ତୁ ଆପଣ ଜାଣିଛନ୍ତି ଅବିକଳ ସଞ୍ଜୟଙ୍କ ଭଳି ଦେଖାଯିବା ପାଇଁ ରଣବୀରଙ୍କୁ ଅଧିକ ପରିଶ୍ରମ କରିବାକୁ ପଡ଼ିଥିଲା  ।

ରଣଦୀପ ହୁଡ୍ଡା

ଏକ ସତ କାହାଣୀ ଉପରେ ଆଧାରିତ ଫିଲ୍ମ “ସରବଜିତ”ରେ ନଜର ଆସିଥିଲେ ଅଭିନେତା ରଣଦୀପ୍ ହୁଡ୍ଡା  । ଏହି ଫିଲ୍ମ ପାଇଁ ରଣଦୀପଙ୍କୁ ନିଜ ଓଜନ କମାଇବାକୁ ପଡିଥିଲା  । ଆଉ ଏହି ଫିଲ୍ମରେ ତାଙ୍କ ଅଭିନୟକୁ ଦର୍ଶକ ବହୁତ ପସନ୍ଦ ବି କରିଥିଲେ  ।

ଭୂମି ପେଡନେକର୍

ଏଇ କିଛିବର୍ଷ ମଧ୍ୟରେ ଅଭିନେତ୍ରୀ ଭୂମି ପେଡନେକର ଅନେକ ଫିଲ୍ମ କରିଛନ୍ତି ଏବଂ ବେଶ୍ ପ୍ରଶଂସା ବି ସାଉଣ୍ଟିଛନ୍ତି  । କିନ୍ତୁ ଫିଲ୍ମ “ଦମ୍ ଲଗାକେ ହାଇସା”ରେ ତାଙ୍କୁ ଏକ ମୋଟି ଝିଅର ଲୁକରେ ଦେଖିବାକୁ ମିଳିଥିଲା  । ଏବେ ଆପଣ ଭୂମିଙ୍କୁ ଏକଦମ୍ ହଟ୍ ଲୁକରେ ଦେଖିବାକୁ ପାଇବେ  ।

ଅମିତାଭ୍ ବଚ୍ଚନ

ବିଗ୍ ବି ଅମିତାଭ୍, କେବଳ ଏହି ନାଁ ହିଁ କାଫି । କିଏ ବା ତାଙ୍କୁ ନ ଜାଣେ । ପିଲାଠୁ ବୁଢା ସଭିଏଁ ତାଙ୍କ ପ୍ରଶଂସକ । କିନ୍ତୁ ଆପଣ ଜାଣିଥିବେ ଫିଲ୍ମ “ପା”ରେ ତାଙ୍କ ଲୁକ୍ସରେ କିଛି ପରିବର୍ତ୍ତନ ଦେଖିବାକୁ ମିଳିଥିଲା । ଏହି ଫିଲ୍ମରେ ତାଙ୍କୁ ଆରୋ ନାମକ ଏକ ଭିନ୍ନ ଚରିତ୍ରରେ ଦେଖିବାକୁ ମିଳିଥିଲା  । “ପ୍ରୋଗେରିଆ” ନାମକ ରୋଗରେ ପୀଡ଼ିତ ଥିବା ଜଣେ ପୁଅ କିଭଳି ଜୀବନ ବିତାଉଛି ତାକୁ ଏହି ଫିଲ୍ମରେ ଦର୍ଶାଯାଇଥିଲା । ଆଉ ଏ ମୁଭିରେ ଅଭିଷେକ ବିଗ୍ ବିଙ୍କ ବାପା ଚରିତ୍ରରେ ନଜର ଆସିଥିଲେ  । ଖାଲି ଏତିକି ନୁହେଁ ଏହି ଫିଲ୍ମ ପାଇଁ ତାଙ୍କୁ ମିଳିଥିଲା ନ୍ୟାସନାଲ୍ ଫିଲ୍ମ ଆଓ୍ୱାର୍ଡ  । ସେଥିରେ ଅମିତାଭଙ୍କୁ ଚିହ୍ନିବା ବି ବେଶ୍ କଷ୍ଟକର  । ଖାସ୍ ସେହି ଚରିତ୍ର ପାଇଁ ତାଙ୍କ ଉପରେ ଏକ୍ସପେରିମେଣ୍ଟ ବି କରାଯାଇଥିଲା  ।

')}