ସହରାଞ୍ଚଳ ଭଳି ଗାଁରେ ବି ହେବ ପାର୍କ; ପିଲାଙ୍କ ପାଇଁ ଲାଗିବ ଦୋଳି, ରହିବ ସ୍ୱିମିଂ ପୁଲ ବ୍ୟବସ୍ଥା
ସହରାଞ୍ଚଳ ଭଳି ଗ୍ରାମାଞ୍ଚଳରେ ଲୋକଙ୍କୁ ମିଳିବ ଆମୋଦ ପ୍ରମୋଦର ସୁବିଧା । ରାଜ୍ୟ ସରକାରଙ୍କ ପ୍ରୟାସରେ ଗାଁରେ ପାର୍କ ସାଙ୍ଗକୁ ପିଲାଙ୍କ ପାଇଁ ମିଳିବ କ୍ରୀଡା ଉପକରଣ । ଭଳି କି ଭଳି ବନ୍ୟଜନ୍ତୁଙ୍କ ଷ୍ଟାଚ୍ୟୁ ସହିତ ପ୍ରମୋଦ ଉଦ୍ୟାନ । ସ୍ୱିମିଂ ପୁଲ୍ର ମଧ୍ୟ ରହଛି ସୁବିଧା । ମୁଖ୍ୟମନ୍ତ୍ରୀଙ୍କ ଜିଲ୍ଲାରେ ଆରମ୍ଭ ହେବାକୁ ଯାଉଛି ଏଭଳି ସୁବିଧା । ଯାହାକୁ ନେଇ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି ସ୍ଥାନୀୟ ଲୋକେ ।
ବରିଷ୍ଠ ନାଗରିକ ଓ ପିଲାଙ୍କ ପାଇଁ ପ୍ରମୋଦ ଉଦ୍ୟନ । ଗ୍ରାମାଞ୍ଚଳରେ ଅତ୍ୟାଧୁନିକ ପାର୍କ । ଛୋଟ ପିଲାଙ୍କଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ, ସମସ୍ତଙ୍କ ଅବସର ବିନୋଦନ ପାଇଁ ପ୍ରମୋଦ ଉଦ୍ୟାନ । ସହାରଞ୍ଚଳ ଭଳି ଗ୍ରାମାଞ୍ଚଳରେ ଏଣିକି ମିଳିବ ମନୋରଞ୍ଜନର ସୁବିଧା । ପିଲାଙ୍କ ପାଇଁ ଦୋଳି, ଖସଡା, ଖେଳନା ଆଦି ସୁବିଧା ରହିଖିବା ବେଳେ ଯୁବପୀଢିଙ୍କ ପାଇଁ ସ୍ୱିମିଂ ପୁଲ, ବୋଟିଂ ଏବଂ ବୟସ୍କଙ୍କ ପାଇଁ ପାଦଚଲା ରାସ୍ତା ସହ ସାଂଧ୍ୟ ଓ ପ୍ରାତ ଭ୍ରମଣ ପାଇଁ ବ୍ୟବସ୍ଥା ହୋଇଛି । ରାଜ୍ୟ ସରକାରଙ୍କ ପ୍ରୟାସରେ ଗାଁରେ ଏହି ସୁବିଧା ଆରମ୍ଭ ହେବାକୁ ଯାଉଛି ।
ପ୍ରଥମ କରି ମୁଖ୍ୟମନ୍ତ୍ରୀ ଜିଲ୍ଲାରେ ଏହି ସୁବିଧା ଆରମ୍ଭ ହେବାକୁ ଯାଉଛି । ପୁରୁଷୋତ୍ତମପୁର ବ୍ଲକ୍ ବଡଖରିଡା ପଂଚାୟତରେ ଏହି ପ୍ରମୋଦ ଉଦ୍ୟାନ କରାଯାଉଛି । ଏହାର ପ୍ରେବଶ ଶୁକ୍ଲ ମାତ୍ର ୫ ଟଙ୍କା ରଖାଯାଇଥିବା ବେଳେ ଖୁବ୍ ଶୀଘ୍ର ଏହି ଉଦ୍ୟାନ ଲୋକମାନଙ୍କ ପାଇଁ ଉଦଘାଟନ ହେବ । ପ୍ରଥମ ଥର ପାଇଁ ଗ୍ରାମାଂଚଳ ପ୍ରମୋଦ ଉଦ୍ୟାନକୁ ନେଇ ଅଂଚଳବାସୀଙ୍କ ଖୁସିରେ ଥିବା ବେଳେ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ।
