ଏଯାଏଁ କୌଣସି ନୂଆ ଷ୍ଟ୍ରେନ୍ ଚିହ୍ନଟ ହୋଇନି ବୋଲି କହିଲେ ସିଙ୍ଗାପୁର ଦୂତାବାସ
1 min read
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଟ୍ୱିଟକୁ ନେଇ ଅସନ୍ତୋଷ ପ୍ରକାଶ କରିଛି ସିଙ୍ଗାପୁରର। ସିଙ୍ଗାପୁରରେ କୌଣସି ନୂଆ ଷ୍ଟ୍ରେନ୍ ଚିହ୍ନଟ ହୋଇନାହିଁ । ଏଭଳି ଅଭିଯୋଗରେ କୌଣସି ସତ୍ୟତା ନାହିଁ ବୋଲି ଟ୍ୱିଟ ମାଧ୍ୟମରେ କହିଛି ସିଙ୍ଗାପୁର ଦୂତାବାସ ।
There is no truth in the assertion that there is a new COVID strain in Singapore. Phylogenetic testing has shown that the B.1.617.2 variant is the prevalent strain in many of the COVID cases, including in children, in recent weeks in Singapore.https://t.co/uz0mNPNxlE https://t.co/Vyj7gyyzvJ
— Singapore in India (@SGinIndia) May 18, 2021
କିଛି ଲୋକଙ୍କ ସ୍ୱାବ ଟେଷ୍ଟିଂରୁ ଜଣାପଡିଛି ଯେ ସିଙ୍ଗାପୁରରେ କରୋନାର B.1.617.2 ଭ୍ୟାରିଏଣ୍ଟ ରହିଛି । ତେଣୁ କୌଣସି ନୂଆ ଭ୍ୟାରିଏଣ୍ଟର ମାମଲା ସାମ୍ନାକୁ ଆସିନଥିବା କହିଛନ୍ତି ସିଙ୍ଗାପୁର ସରକାର। ସିଙ୍ଗାପୁର ଭ୍ୟାରିଏଣ୍ଟରୁ ଭାରତକୁ ରକ୍ଷା କରିବା ପାଇଁ କେନ୍ଦ୍ର ସରକାରଙ୍କୁ ଅରବିନ୍ଦ କେଜ୍ରିୱାଲ କରିଥିବା ଅପିଲକୁ ନିନ୍ଦା କରିଛି ସିଙ୍ଗାପୁର ପ୍ରଶାସନ। ଏନେଇ ସିଙ୍ଗାପୁର ସ୍ୱାସ୍ଥ୍ୟ ମନ୍ତ୍ରାଳୟ ମଧ୍ୟ ପ୍ରତିକ୍ରିୟା ରଖିଛି। କହିଛି ରାଜନେତାମାନେ ତଥ୍ୟ ଅନୁସାରେ ଦାବି ଉପସ୍ଥାପିତ କରିବା କଥା । କିନ୍ତୁ ଦିଲ୍ଲୀ ସରକାରଙ୍କ ନିକଟରେ କୌଣସି ତଥ୍ୟ ନଥାଇ ଏଭଳି କହିବା ଉଚିତ ନୁହେଁ ।
— India in Singapore (@HCI_Singapore) May 19, 2021
ସେପଟେ ଏଭଳି ତଥ୍ୟ ବିହୀନ ପ୍ରତିକ୍ରିୟା ଦୁଇ ଦେଶରେ ସୁସମ୍ପର୍କ ଉପରେ ପ୍ରଭାବ ପକାଇବ । ଏଭଳି ବୟାନବାଜି ଉପରେ ଧ୍ୟାନ ଦେବା ନିତାନ୍ତ ଆବଶ୍ୟକ ବୋଲି କେନ୍ଦ୍ର ସରକାରଙ୍କ ପକ୍ଷରୁ ଟ୍ୱିଟ କରାଯାଇଛି । ସେପଟେ ଭାରତ ବୈଦେଶିକ ମନ୍ତ୍ରାଳୟ ପକ୍ଷରୁ ଏହି ପ୍ରସଙ୍ଗକୁ ନେଇ ପ୍ରତିକ୍ରିୟା ରଖାଯାଇଛି । କେଜ୍ରିୱାଲ ଭାରତର ପ୍ରତିନଧିତ୍ୱ କରନ୍ତି ନାହିଁ ବୋଲି ବୈଦେଶିକ ମନ୍ତ୍ରୀ ଡକ୍ଟର ଏସ ଜୟଶଙ୍କର କହିଛନ୍ତି। ସିଙ୍ଗାପୁର ଷ୍ଟ୍ରେନକୁ ନେଇ ଦିଲ୍ଲୀ ସରକାର ଦେଇଥିବା ମତ ନିଜସ୍ୱ। ଦିଲ୍ଲୀର ମୁଖ୍ୟମନ୍ତ୍ରୀ ଭାରତ ସରକାରଙ୍କ କଥା କୁହନ୍ତି ନାହିଁ ବୋଲି ଜୟଶଙ୍କର ଟ୍ୱିଟ କରିଛନ୍ତି।
सिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।
केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम हो— Arvind Kejriwal (@ArvindKejriwal) May 18, 2021
ଅନ୍ୟପଟେ କିନ୍ତୁ ଦିଲ୍ଲୀ ସରକାରଙ୍କ ତରଫରୁ ସାମ୍ବାଦିକ ସମ୍ମିଳନୀ କରାଯାଇ କୁହାଯାଇଛି ଯେ ଭାରତକୁ ତୃତୀୟ ଲହରରୁ ବଞ୍ଚାଇବା ପାଇଁ ଭାରତ ସରକାର ସମସ୍ତ ପଦକ୍ଷେପ ଆପଣାଇବା ଆବଶ୍ୟକ। ବାହାର ଦେଶରୁ ଆସୁଥିବା ସମସ୍ତ ଫ୍ଲାଇଟ୍ ରଦ୍ଦ କରିବାକୁ ଅନୁରୋଧ କରିଛି ଦିଲ୍ଲୀ ସରକାର।
