ଏବେ ଆଉ ଖସିବାର ବାଟ ନାହିଁ, ଜୟ-ଜଗି ଦଣ୍ଡ ପାଇବା ଆବଶ୍ୟକ: ସସ୍ମିତ ପାତ୍ର

ଭୁବନେଶ୍ୱର: ଦଳିତଙ୍କ ଜମି ହାତେଇବା ଘଟଣାରେ ହାଇକୋର୍ଟରେ ଜଗି ମଙ୍ଗତ ପଣ୍ଡା ଓ ବୈଜୟନ୍ତ ପଣ୍ଡାଙ୍କ ଆବେଦନ ଖାରଜ ହୋଇଛି । ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ରାଜ୍ୟସଭା ସାଂସଦ ଡକ୍ଟର ଅମର ପଟ୍ଟନାୟକ । ହାଇକୋର୍ଟ ଆବେଦନ ଖାରଜ କରି ଗିରଫଦାରୀ ନିଶ୍ଚିତ କରିଛନ୍ତି, ଆଇନକୁ ଜଗି ଓ ଜୟ ତୁଚ୍ଛ ମଣୁଥିଲେ ବୋଲି କହିଛନ୍ତି ଅମର ।

ସେହିଭଳି ରାଜ୍ୟସଭା ସାଂସଦ ଡକ୍ଟର ସସ୍ମିତ ପାତ୍ର କହିଛନ୍ତି, ହାଇକୋର୍ଟ ଜଗି-ଜୟଙ୍କ ଆବେଦନ ଖାରଜ କରି ସେମାନଙ୍କ ଖସି ଯିବାର ସୁଯୋଗକୁ ପଣ୍ଡ କରିଛନ୍ତି । ଏହାସହ ରଦ୍ଦ ହୋଇଛି ଜଗି ଓ ଜୟ ଆନ୍ତରୀଣ ସୁରକ୍ଷା । ଦଳିତଙ୍କୁ ଏବେ ନ୍ୟାୟ ମିଳିବ ବୋଲି ଆଶା ପ୍ରକଟ କରିଛନ୍ତି ଅମର ପଟ୍ଟନାୟକ ଓ ସସ୍ମିତ ପାତ୍ର ।

Justice for poor marginal Dalit farmers whose land was fraudulently transferred by Jay & Jagi Panda company OITPL. Hon'ble Orissa High Court dismisses the Pandas' plea for quashing of criminal investigation in this Case, also removes protection from arrest. #JusticeForDalits pic.twitter.com/cLIk5Gpdbf

— ଡ଼ଃ ସସ୍ମିତ ପାତ୍ର I Dr. Sasmit Patra (@sasmitpatra) November 21, 2020

ସୂଚନାଯୋଗ୍ୟ, ହାଇକୋର୍ଟରେ ୟ-ଜଗିଙ୍କ ଆବେଦନ ଖାରଜ ହେବ ପରେ ତାଙ୍କ ବଡ଼ ଝଟ୍‌କା ଲାଗିଛି । ଆଇନଜୀବୀଙ୍କ କହିବାନୁଯାୟୀ ବର୍ତ୍ତମାନ ପରିସ୍ଥିତିରେ ଯଦି ତଦନ୍ତକାରୀ ସଂସ୍ଥା ଚାହିଁବେ ତେବେ ଜୟ-ଜଗିଙ୍କୁ ଜମି କେଳେଙ୍କାରୀ ଘଟଣାରେ ଗିରଫ କରିପାରିବେ ।

Hon'ble Orissa High Court dismissed Jay & Jagi Panda's (Odisha Infratech Pvt Ltd) plea to quash the criminal proceedings and investigation in Sarua Dalit Land Scam case. Hon'ble Court also removes their protection from arrest, leaving them open to arrest. pic.twitter.com/xE1DhCO0Ur

— ଡ଼ଃ ସସ୍ମିତ ପାତ୍ର I Dr. Sasmit Patra (@sasmitpatra) November 21, 2020

ଜୟ-ଜଗିଙ୍କ ନାଁରେ, ଚଞ୍ଚକତା କରି ଦଳିତଙ୍କ ଜମି ହଡପ ଭଳି ସଙ୍ଗୀନ ଅଭିଯୋଗ ରହିିଛି । ଆଇନର ଆଶ୍ରୟ ନେଇ ସେ ଆଜି ଯାଏ ଗିରଫଦାରୀକୁ ଏଡ଼ାଇ ଆସୁଥିଲେ । ହେଲେ ଏବେ ହାଇକୋର୍ଟ ତାଙ୍କ ଆବେଦନ ଖାରଜ କରିଦେଇଛନ୍ତି । ଆଇନ ବିଶାରଦଙ୍କ ମତରେ ଜଗି ଓ ବୈଜୟନ୍ତ ପଣ୍ଡାଙ୍କ ପାଇଁ ସବୁ ରାସ୍ତା ବନ୍ଦ । ତେବେ ଦୁଇ ଦିନ ହେବ ଜୟ-ଜଗିଙ୍କ ସହ ଯୋଗାଯୋଗ ଫେଲ୍‌ ହୋଇଛି । ସେମାନେ ଏବେ କେଉଁଠି ଅଛନ୍ତି ତାହା କେହି ଜାଣି ନାହାନ୍ତି ।