ଶ୍ରୀମନ୍ଦିରରେ ଚଢ଼ିବାକୁ ଉଦ୍ୟମ ବେଳେ ଯୁବକକୁ କାବୁ କଲେ ଚୁନରା ସେବକ

ପୁରୀ: ଶ୍ରୀମନ୍ଦିର ଉପରକୁ ଚଢ଼ିବା ପାଇଁ ଉଦ୍ୟମ କରୁଥିବାବେଳେ ଜଣେ ଯୁବକ ଅଟକ । ବେହେରଣ ଦ୍ୱାର ନିକଟରୁ ଯୁବକ ଜଣକ ଶ୍ରୀମନ୍ଦିର ଉପରକୁ ଚଢ଼ିବା ପାଇଁ ଉଦ୍ୟମ କରିଥିଲେ । ଶ୍ରୀମନ୍ଦିର ପୋଲିସ ଚୁନାରା ସେବକଙ୍କ ସହାୟତାରେ ନାଟମଣ୍ଡପ ଉପରୁ ଉଦ୍ଧାର କରିଥିଲେ । ପରେ ସିଂହଦ୍ୱାର ଥାନାରେ ଯୁବକଙ୍କୁ ଅଟକ ରଖାଯାଇଛି । ଯୁବକ ଜଣକ ହେଉଛନ୍ତି ଗଞ୍ଜାମ ଜିଲ୍ଲା ଗେଲେରିର ଜିତୁ ଗୌଡ଼ । ତାଙ୍କ ମାନସିକ ଅବସ୍ଥା ଠିକ୍ ନଥିବା ଅନୁମାନ କରାଯାଉଛି । ତେବେ ଏହି ଘଟଣାର ତଦନ୍ତ କରାଯାଉଛି ଓ ତାଙ୍କ ପରିବାର ଲୋକଙ୍କୁ ଖବର ଦିଆଯିବ ବୋଲି ପୋଲିସ କହିଛି ।

ସେପଟେ ଆଜି ଶ୍ରୀମନ୍ଦିର ଆନନ୍ଦ ବଜାରରେ ଅଘଟଣ ଦେଖିବାକୁ ମିଳିଛି । ଜଣେ ଚାରିବର୍ଷର ଶିଶୁଠାରୁ ଚେନ୍ ଛଡ଼ାଇବା ସମୟରେ ପରିବାର ହାତରେ ଧରାପଡ଼ିଲା ଲୁଟେରା । ଲୁଟେରା ଜଣକ ହେଲେ ବାଲିସାହିର କିଷନ ବେଜ, ହାପି । ତାଙ୍କ ନିକଟରୁ ଉପସ୍ଥିତ ପୋଲିସ ଶିଶୁ ଭକ୍ତଙ୍କ ଲୁଟ୍ ହୋଇଥିବା ଚେନ୍ ଜବତ କରିବା ସହ ଲୁଟେରାକୁ ଅଟକ ରଖି ଛାନଭିନ୍ ଆରମ୍ଭ କରିଛି । ଲୁଟେରାଙ୍କୁ ଥାନାରେ ଅଟକ ରଖି ପଚରାଉଚରା ଚାଲିଛି ।