ଜାତିଆଣ ମନୋଭାବର ଉଗ୍ରରୂପ, ବୃଦ୍ଧଙ୍କ ମୃତଦେହକୁ ଛୁଇଁଲେନି ଗାଁ ଲୋକ

ଜୟପୁର: ଜାତିଆଣ ମନୋଭାବ ଓ କୁସଂସ୍କାରର କୁପରିଣତି । ଅନ୍ୟଜାତି ଲୋକଙ୍କ ଘରେ ଖାଇବାରୁ ଶବ ଛୁଇଁଲେ ନାହିଁ ଗାଁ ଲୋକ । କୋରାପୁଟ ଜିଲ୍ଲା ଜୟପୁର ବ୍ଲକ ଅନ୍ତର୍ଗତ ବୈରାଗୀମଠ ଗାଁରେ ଏଭଳି ଘଟଣା ଘଟିଛି । ବାପାର ଶବକୁ ଚାରିକାନ୍ଧ ନ ମିଳିବାରୁ ରାସ୍ତାରେ ଘୋଷାରି ଘୋଷାରି ନେଲା ପୁଅ । ରାସ୍ତାରେ ଠିଆ ହୋଇ ଦେଖଣାହାରୀ ସାଜିଥିଲେ ଲୋକ । କିନ୍ତୁ କହି ଶବକୁ ଚାରି କାନ୍ଧ ଦେଇନଥିଲେ । ଛୁଆଁ- ଅଛୁଆଁ ମାନସିକତା ଆଗରେ ମରିଗଲା ମାନବିକତା ।

କୋରାପୁଟ ଜିଲ୍ଲା ଜୟପୁର ବ୍ଲକ ବୈରାଗୀମଠ ଗାଁର ବୃଦ୍ଧା ମୁକ୍ତା ପରଜାଙ୍କ ମୃତ୍ୟୁ ହୋଇଥିଲା । ୬ମାସ ତଳେ ମୁକ୍ତାଙ୍କ ପୁଅ ମଙ୍ଗଳା ପରଜା ଅନ୍ୟ ଜାତିର ଘରେ ଖାଇଥିଲେ । ଫଳରେ ଗାଁ ଲୋକ ମଙ୍ଗଳାର ପରିବାରକୁ ବାସନ୍ଦ କରିଥିଲେ । ଭୋଜିରେ ବି ସାମିଲ କରୁନଥିଲେ । ପୂର୍ବରୁ ମୁକ୍ତାଙ୍କ ମା’ର ମୃତ୍ୟୁ ହୋଇଥିଲେ ମଧ୍ୟ ଶବକୁ ଛୁଇଁ ନଥିଲେ ଗାଁ ଲୋକେ । ଶେଷରେ ପୁଅ ମଙ୍ଗଳା ବାପାଙ୍କ ମୃତଦେହକୁ ରାସ୍ତାରେ ଘୋଷାଡି ଘୋଷାଡି ନେଉଥିବାବେଳେ ସ୍ତ୍ରୀ କୁନି ମିଶି ଶବକୁ ଧରି ଶ୍ମଶାନକୁ ନେଇଥିଲେ । ରାସ୍ତାରେ ମୁକ୍ତାଙ୍କ ମୃତଦେହ ବାରମ୍ବାର ଖସିପଡୁଥିଲେ ମଧ୍ୟ ହାତ ଦେବାକୁ କେହି ଆସିନଥିଲେ ।