ଆମେରିକାର ଚେତାବନୀ, ଖୁବ୍ ଶୀଘ୍ର ୟୁକ୍ରେନର ଅନେକ ସହରରେ ଋଷ କରିବ ବୋମାମାଡ଼

କିଭ୍: ୟୁକ୍ରେନର ଅନେକ ସହରରେ ଋଷ କରିବ ବୋମାମାଡ଼ । ସହରଗୁଡିକୁ କବଜା କରିବା ଲାଗି ଋଷ ଆରମ୍ଭ କରିବ ମିଶନ । ବୋମାମାଡରେ ଅନେକ ଲୋକ ମୃତାହତ ହେବା ଆଶଙ୍କା ରହିଛି ବୋଲି ସତର୍କ କରାଇଛି ଆମେରିକା । ଋଷ-ୟୁକ୍ରେନ ଯୁଦ୍ଧକୁ ନେଇ ଆମେରିକା ଓ ନାଟୋ ସତର୍କ ରହିଥିବାବେଳେ ପରବର୍ତ୍ତୀ ସ୍ଥିତି ନେଇ ଆଲର୍ଟ ଜାରି କରିଛି ଆମେରିକା । ପାଶ୍ଚାତ୍ୟ ରାଷ୍ଟ୍ରର ଜଣେ ବରିଷ୍ଠ ଗୁଇନ୍ଦା ଅଫିସର କହିଛନ୍ତି- ଋଷ ପ୍ରୟୋଗ କରିବାକୁ ଯାଉଥିବା ଭୟଙ୍କର ଅସ୍ତ୍ର ବିପୁଳ କ୍ଷତି ଘଟାଇବାକୁ ଯାଉଛି । ଏହା ସହ ୟୁକ୍ରେନର ଇରପିନରେ ଏକ ସାମରିକ ହସ୍ପିଟାଲ ଉପରେ ବୋମାମାଡ କରିଛି ଋଷ । ସେପଟେ ୟୁକ୍ରେନର ଜାପୋରିଜିଆ ନ୍ୟୁକ୍ଲିୟର ପ୍ଲାଣ୍ଟକୁ ନେଇ ଆସିଲା ନୂଆ ତଥ୍ୟ । ଏହି ପ୍ଲାଣ୍ଟକୁ ୟୁକ୍ରେନ ପୁଣି ଋଷ ହାତରୁ ନିଜ କବଜାକୁ ଫେରାଇ ଆଣିଥିବା ଦାବି କରିଛି । ଏହାକୁ ନେଇ କିବରେ ଜାରି ହୋଇଛି ଏୟାର ଆଲର୍ଟ ।  ଗତକାଲି ୟୁରୋପର ସବୁଠାରୁ ବୃହତ ଆଣବିକ ପ୍ଲାଣ୍ଟକୁ ଋଷ କବଜା କରିବା ନେଇ ସୂଚନା ମିଳିଥିଲା ।