ଭାରସାମ୍ୟ ହରାଇ ରାସ୍ତା ଉପରେ ଓଲଟିଲା ଗ୍ୟାସ ବୋଝେଇ ଟ୍ରକ୍

ଅନୁଗୁଳ: ଅନୁଗୁଳ-ସମ୍ବଲପୁର ଏନଏଚ୍-୫୫ ରେ ଦୁର୍ଘଟଣା । କମରେଇ ନିକଟରେ ଓଲଟିଲା ଗ୍ୟାସ ବୋଝେଇ ଭ୍ୟାନ୍‌ । ସମ୍ବଲପୁରରୁ କଟକକୁ ଆସୁଥିବା ଭ୍ୟାନ ଭାରସାମ୍ୟ ହରାଇ କମରେଇରେ ଦୁର୍ଘଟଣାଗ୍ରସ୍ତ ହୋଇଥିଲା । ରାସ୍ତାରେ ଭ୍ୟାନ ଓଲଟି ପଡ଼ିବାରୁ ଭ୍ୟାନରୁ ଗ୍ୟାସ ଲିକ୍‌ ହୋଇଥିଲା । ଖବର ପାଇ ବାମୁର ଅଗ୍ନିଶମ ବିଭାଗ ଓ ହଣ୍ଡପା ପୋଲିସ ଘଟଣାସ୍ଥଳରେ ପହଞ୍ଚିଥିଲେ ।

ଅଘଟଣ ଆଶଙ୍କାରେ ଜାତୀୟ ରାଜପଥର ୩ କିଲୋମିଟର ପର୍ଯ୍ୟନ୍ତ ସିଲ୍‌ କରିଦିଆଯାଇଛି । ଆଖପାଖ ଅଞ୍ଚଳରେ ବିଦ୍ୟୁତ ସଂଯୋଗକୁ ବିଚ୍ଛିନ୍ନ କରାଯାଇଥିଲା ।  ଜାତୀୟ ରାଜପଥରେ ରାସ୍ତା ନିର୍ମାଣ କାମ ଚାଲୁଥିବାରୁ ଭ୍ୟାନଟି ଦୁର୍ଘଟଣାଗ୍ରସ୍ତ ହୋଇଥିବା କୁହାଯାଉଛି । ମଙ୍ଗଳବାରଠୁ ଭ୍ୟାନ ଓଲଟିଥିଲେ ବି ବର୍ତ୍ତମାନ ସୁଦ୍ଧା ଭ୍ୟାନକୁ ରାସ୍ତାରୁ ହଟାଯାଇପାରିନି । କମ୍ପାନୀ କର୍ତ୍ତୃପକ୍ଷ ଆସିଲେ ଭ୍ୟାନ୍‌କୁ ହଟାଯିବ ବୋଲି କୁହାଯାଉଛି ।