ଏମସରେ ଟିକେଟ ଦଲାଲ କରୁଥିଲେ, ଉଠାଇ ଆଣିଲା ପୋଲିସ୍

ଭୁବନେଶ୍ବର: ଏମସରୁ ଗିରଫ ହେଲେ ଦଲାଲ । ଟିକେଟ ଦଲାଲ କରୁଥିବା ଅଭିଯୋଗରେ ୧୨ ଜଣ ଦଲାଲଙ୍କୁ ଥାନାକୁ ଉଠାଇ ଆଣିଛି ପୋଲିସ । ଦୀର୍ଘଦିନ ହେବ ଏମସ ହସ୍ପିଟାଲରେ ଡାକ୍ତରଙ୍କ ପରାମର୍ଶ ପାଇଁ ଟିକେଟ କାଟି ବ୍ଲାକରେ ବିକ୍ରି କରୁଥିଲେ ।

ଡାକ୍ତରଙ୍କ ପରାମର୍ଶ ପାଇଁ ମାଗଣା ସେବା ଉପଲବ୍ଧ ଥିବା ସତ୍ବେ ରୋଗୀ ହନ୍ତସନ୍ତ ହେଉଥିଲେ । ଦଲାଲ ମାନେ ଆଗୁଆ ଟିକେଟ କାଟି ରୋଗୀଙ୍କୁ 4ରୁ 5 ହଜାର ଟଙ୍କାରେ ବିକୁଥିଲେ । ଏନେଇ ଖଣ୍ଡଗିରି ଥାନା ପୋଲିସ ବିଶ୍ବସ୍ତ ସୂତ୍ରରୁ ଖବର ପାଇବା ପରେ ଆଜି ଛଢ଼ାଉ କରି 12 ଜଣକୁ ଗିରଫ କରିଛି । ଘଟଣାରେ ଧରପଗଡ଼ ଜାରି ରହିଥିବା ବେଳେ, ଆଗକୁ ଦଲାଲଙ୍କ ସଂଖ୍ୟା ବଢିବ ବୋଲି ବରିଷ୍ଠ ଅଧିକାରୀ ସୂଚନା ଦେଇଛନ୍ତି