ପ୍ରତ୍ୟାହାର ହେଲା ଶିକ୍ଷକ ଆନ୍ଦୋଳନ, ମୁଖ୍ୟ ଶାସନ ସଚିବଙ୍କ ସହ ଆଲୋଚନା ପରେ ଆନ୍ଦୋଳନ ପ୍ରତ୍ୟାହୃତ

ଭୁବନେଶ୍ୱର: ଶିକ୍ଷକ ସଂଘର ଆନ୍ଦୋଳନ ପ୍ରତ୍ୟାହାର । ରାଜ୍ୟ ସରକାରଙ୍କ ପ୍ରତିଶ୍ରୁତି ପରେ ଆନ୍ଦୋଳନରୁ ଓହରିଲା ଶିକ୍ଷକ ସଂଘ । ଷ୍ଟିୟରିଂ କମିଟିରେ ନିଷ୍ପତ୍ତି ପରେ ଆନ୍ଦୋଳନ ପ୍ରତ୍ୟାହାର ନେଇ ଘୋଷଣା କଲା ଶିକ୍ଷକ ସଂଘ । ଆଜି ମୁଖ୍ୟ ଶାସନ ସଚିବଙ୍କ ନେତୃତ୍ୱରେ ଏକ ବୈଠକ ବସିଥିଲା । ବୈଠକରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଗଲା । ୧୬ରୁ ୨୦ ତାରିଖ ଭିତରରେ ସଂଘର ଦାବି ନେଇ ସରକାରଙ୍କ ପାଖରେ ଏହି କମିଟି ଉପସ୍ଥାପନ କରିବ । ଏହାପରେ ସରକାର ନିଷ୍ପତ୍ତି ନେବେ ବୋଲି ମୁଖ୍ୟ ଶାସନ ସଚିବ କହିଛନ୍ତି । ଆଲୋଚନା ପରେ ଆନ୍ଦୋଳନ ପ୍ରତ୍ୟାହାର କରାଯାଇଥିବା ସଂଘ କହିଛି ।