ରିସର୍ଚ୍ଚରଙ୍କ ମତ: କରୋନାରୁ ସୁସ୍ଥ ହେବା ପରେ ମଧ୍ୟ ମାସ ମାସ ଧରି ଲକ୍ଷଣ ଦେଖାଯାଇପାରେ

ନୂଆଦିଲ୍ଲୀ: ସାରା ବିଶ୍ୱ ଏବେ କରୋନା ମହାମାରୀ କବଳରେ ଛନ୍ଦି ହୋଇ ରହିଛି । ଏଭଳି ପରିସ୍ଥିତିରେ ରିସର୍ଚ୍ଚରମାନେ ପ୍ରତିଦିନ କିଛି ନା କିଛି ନୂଆ ତଥ୍ୟ ସାମ୍ନାକୁ ଆଣୁଛନ୍ତି । ଯାହାକି ସଭିଙ୍କୁ ଚକିତ କରୁଛି । ଏବେ ଫ୍ରାନ୍ସ ରିସର୍ଚ୍ଚରମାନଙ୍କ ଦ୍ୱାରା ସାମ୍ନାକୁ ଆସିଥିବା ନୂଆ ତଥ୍ୟ ହେଉଛି ଯେ, କରୋନାର ସାଧାରଣ ଲକ୍ଷଣ ମଧ୍ୟ ମାସ ମାସ ଧରି ଲୋକଙ୍କୁ ରୋଗାକ୍ରାନ୍ତ କରି ରଖିପାରେ ।

୬୦ ଦିନ ପର୍ଯ୍ୟନ୍ତ ଲକ୍ଷଣ

ରିସର୍ଚ୍ଚରଙ୍କ କହିବାନୁଯାୟୀ ଯେଉଁ ରୋଗୀଙ୍କ ନିକଟରେ ସାଧାରଣରୁ ମଧ୍ୟମ ଧରଣର ଲକ୍ଷଣ ଦେଖାଯାଇଥାଏ, ସେମାନେ ସୁସ୍ଥ ହେବା ପରେ ମଧ୍ୟ ପାଖାପାଖି ୬୦ ଦିନ ପର୍ଯ୍ୟନ୍ତ ଲକ୍ଷଣଯୁକ୍ତ ରହିବାର ସମ୍ଭାବନା ରହିଥାଏ । ଏକ ତୃତିୟାଂଶରୁ ଅଧିକ ରୋଗୀଙ୍କ କ୍ଷେତ୍ରରେ ଏଭଳି ଲକ୍ଷଣ ଦେଖାଯାଉଥିବା ଏକ ଅଧ୍ୟୟନରୁ ଜଣାପଡ଼ିଛି । ଟୁର୍‌ ୟୁନିଭର୍ସିଟି ହସ୍ପିଟାଲର ଜଣେ ଷ୍ଟାଫ୍‌, ଯିଏ କି ମାର୍ଚ୍ଚରୁ ଜୁନ୍‌ ମାସ ପର୍ଯ୍ୟନ୍ତ ପ୍ରାୟ ୧୫୦ ନନ୍‌—କ୍ରିଟିକାଲ ରୋଗୀଙ୍କ ଉପରେ ନଜର ରଖିଥିଲେ । ସେମାନଙ୍କ ମଧ୍ୟରୁ ୪୦ ରୁ ୬୦ ବର୍ଷ ବୟସର ବ୍ୟକ୍ତି ଏବଂ ଯେଉଁମାନଙ୍କୁ ହସ୍ପିଟାଲରେ ଭର୍ତ୍ତି କରାଯିବା ଆବଶ୍ୟକ ଥିଲା, ସେମାନଙ୍କ ନିକଟରେ ଦୀର୍ଘ ଦିନ ପର୍ଯ୍ୟନ୍ତ ଲକ୍ଷଣ ଦେଖାଯାଇଥିଲା ।

ଜର୍ଣ୍ଣାଲ କ୍ଲିନିକାଲ ମାଇକ୍ରୋବାୟୋଲୋଜି ଆଣ୍ଡ ଇନ୍‌ଫେକ୍ସନ ନାମକ ଏକ ପତ୍ରିକାରେ ସୋମବାର ପ୍ରକାଶ ପାଇଥିଲା ଯେ, ବିଶ୍ୱରେ SARS-CoV-2 ଭାଇସ୍‌ରେ ସଂକ୍ରମିତ ପ୍ରାୟ ୩୫ ମିଲିୟନ୍‌ ଲୋକଙ୍କ ଠାରେ ସପ୍ତାହରୁ ଅଧିକ ତଥା ମାସେ ପର୍ଯ୍ୟନ୍ତ ସେମାନଙ୍କ ନିକଟରେ ଲକ୍ଷଣ ଦେଖାଯାଇଥିବ । ଅନ୍ୟପଟେ କ୍ଲାଉଦୁଆ କାର୍‌ଭାଲହୋ ସ୍ଚନିଡର ଓ ତାଙ୍କ ସହଯୋଗୀ କହିଛନ୍ତି ଯେ, ରୋଗ ଭଲ ହେବା ପରେ ମଧ୍ୟ ଲମ୍ବା ସମୟ ପର୍ଯ୍ୟନ୍ତ ଶରୀର ପ୍ରତି ଧ୍ୟାନ ଦେବା ଆବଶ୍ୟକ ।