ଆଦାନୀ-ହିଣ୍ଡେନବର୍ଗ ମାମଲା: ତଦନ୍ତ କରିବାକୁ ଆଉ ୬ ମାସ ସମୟ ମାଗିଲା ସେବି

ନୂଆଦିଲ୍ଲୀ: ଆଦାନୀ-ହିଣ୍ଡେନବର୍ଗ ମାମଲାରେ ତଦନ୍ତ କରିବାକୁ ୬ ମାସ ସମୟ ମାଗିଲା ସେବି । ଏନେଇ ସୁପ୍ରିମକୋର୍ଟରେ ଭାରତୀୟ ସିକ୍ୟୁରିଟି ଓ ଏକ୍ସଚେଞ୍ଜ ବୋର୍ଡ ତରଫରୁ ଆବେଦନ କରାଯାଇଛି । ପ୍ରାରମ୍ଭିକ ତଦନ୍ତରୁ ସେବି ପାଇଥିବା ତଥ୍ୟ ସୁପ୍ରିମକୋର୍ଟଙ୍କୁ ଅବଗତ କରିଛି । ଆଦାନୀ କେଉଁ ନିୟମର ଉଲ୍ଲଘଂନ କରିଛି ସେନେଇ ବିସ୍ତୃତ ରିପୋର୍ଟ ଦିଆାଇଛି । କର୍ପୋରେଟ ଗଭର୍ଣ୍ଣାନ୍ସ, ଅଂଶଧନ ମୂଲ୍ୟରେ ହେରଫେର, ପିଏଫଆଇ ରେଗୁଲେସନରେ ହେରଫେର, ଅନ୍ତରୀଣ ବାଣିଜ୍ୟ ନିୟମ, ସର୍ଟ ସେଲିଂ ନିୟମ ଆଦି ଉଲଂଘନ ସମ୍ପର୍କରେ ସେବି ତଥ୍ୟ ଦେଇଥିବା ସୂଚନା ମିଳିଛି ।

ହିଣ୍ଡେନବର୍ଗ ରିପୋର୍ଟ ଆସିବା ପରେ ଆଦାନୀ ଗ୍ରୁପ ତାଲିକାଭୁକ୍ତ ୭ଟି କମ୍ପାନୀକୁ ସମସ୍ତ ସୂଚନା ଦେବାକୁ ନିର୍ଦ୍ଦେଶ ଦିଆଯାଇଛି । ଆଦାନୀ ଆର୍ଥିକ ନେଣଦେଣ, ସେୟାର ପ୍ରାଇସରେ ହେରଫେର କରିଥିବା ନେଇ ରିପୋର୍ଟ ପ୍ରକାଶ କରିଥିଲା ହିଣ୍ଡେନବର୍ଗ । ଏହାପରେ କମ୍ପାନୀର ସେୟାର ଦ୍ରୁତ ହ୍ରାସ ଘଟିଥିଲା । ୨ ମାସ ଭିତରେ ତଦନ୍ତ କରି ରିପୋର୍ଟ ଦେବାକୁ ସେବିକୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ । ତେବେ ତଦନ୍ତ ପାଇଁ ୬ ମାସ ସମୟ ମାଗିଛି ସେବି ।