ଜୁଲାଇ ୧ରୁ ବଦଳିଯିବ ଏହି ସରକାରୀ ସ୍କିମର ନିୟମ, ଆପଣଙ୍କ ଟଙ୍କା ସହ ଜଡ଼ିତ ମାମଲା..
1 min read
ନୂଆଦିଲ୍ଲୀ: ଅଟଳ ପେନସନ୍ ଯୋଜନା (APY) କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ, ଯାହା ଅଧୀନରେ ବର୍ତ୍ତମାନ ଅଟୋ ଡେବିଟ୍ କରାଯାଉନାହିଁ, କିନ୍ତୁ ଏହି ଅବଧି ଜୁନ୍ ୩୦ରେ ଶେଷ ହେଉଛି ଅର୍ଥାତ୍ ଜୁଲାଇ ୧ ରୁ ଏହି ଯୋଜନାରେ ବିନିଯୋଗ କରିଥିବା ଲୋକଙ୍କ ଆକାଉଣ୍ଟରୁ ଟଙ୍କା କଟିଯିବ ଅର୍ଥାତ ଅଟୋ ଡେବିଟ ହୋଇଯିବ । ୧୧ ଏପ୍ରିଲରେ କରୋନା ମହାମାରୀ ହେତୁ ପେନସନ ନିୟନ୍ତ୍ରକ ‘ପେନସନ ପାଣ୍ଠି ନିୟାମକ ଏବଂ ବିକାଶ ପ୍ରାଧିକରଣ’ (PFRDA) ବ୍ୟାଙ୍କଗୁଡ଼ିକୁ ୩୦ ଜୁନ୍ ସୁଦ୍ଧା ଅଟୋ-ଡେବିଟ୍ ନକରିବାକୁ ନିର୍ଦ୍ଦେଶ ଦେଇଥିଲା । ଇ-ମେଲ ମାଧ୍ୟମରେ ଗ୍ରାହକଙ୍କୁ ଅଟୋ ଡେବିଟ୍ ପୁନଃ ଆରମ୍ଭ ହେବାର ନୋଟିସ୍ ପଠାଯାଇଛି ।
ଅଟୋ ଡେବିଟ୍ ଯୋଗୁଁ ଲକ୍ଷ ଲକ୍ଷ ଲୋକ ପ୍ରଭାବିତ ହେବେ, କାରଣ ସେମାନଙ୍କ ମଧ୍ୟରୁ ଅଧିକାଂଶ ନିମ୍ନ ବର୍ଗର, ଯାହାର ଆୟ କରୋନା ମହାମାରୀ ସମୟରେ ଅଟକି ରହିଛି । ଏହା ମଧ୍ୟ କୁହାଯାଇଛି ଯେ ଯେଉଁମାନଙ୍କ ପେନସନ୍ ସ୍କିମ୍ ଆକାଉଣ୍ଟ୍ ୩୦ ସେପ୍ଟେମ୍ବର ୨୦୨୦ ପର୍ଯ୍ୟନ୍ତ ରେଗୁଲରାଇଜଡ୍ ହୋଇନାହିଁ, ସେମାନଙ୍କଠାରୁ କୌଣସି ପ୍ରକାର ପେନାଲଟି ନିଆଯିବ ନାହିଁ ।
କାହା ଉପରେ କେତେ ପେନାଲ୍ଟି ଲାଗେ-
ସେମିତିରେ କୌଣସି ପେନାଲ୍ଟି ନିଆଯିବ ନାହିଁ, କିନ୍ତୁ ସାଧାରଣତଃ ବିଳମ୍ବରେ ଟଙ୍କା ଜମା କରିବା ଦ୍ୱାରା ପେନାଲ୍ଟି ଲାଗିଥାଏ ।
- ପ୍ରତିମାସରେ ୧୦୦ ଟଙ୍କା ଯୋଗଦାନ ଥିଲେ ଏକ ଟଙ୍କା ଫାଇନ ଦେବାକୁ ପଡ଼ିବ
- ପ୍ରତିମାସରେ ୧୦୧ ଟଙ୍କାରୁ ୫୦୦ ଟଙ୍କା ଯୋଗଦାନ ଥିଲେ ୨ ଟଙ୍କା ଫାଇନ ପଡ଼ିବ
- ପ୍ରତିମାସରେ ୫୦୧ ଟଙ୍କାରୁ ୧୦୦୦ ଟଙ୍କା ଯୋଗଦାନ ଥିଲେ ୫ ଟଙ୍କାର ଫାଇନ
- ପ୍ରତି ମାସରେ ୧.୦୦୧ ଟଙ୍କାରୁ ଅଧିକ ଯୋଗଦାନ ଥିଲେ ୧୦ ଟଙ୍କାର ଫାଇନ
ଅଟଳ ପେନସନ ଯୋଜନା କଣ-
କେନ୍ଦ୍ର ସରକାରଙ୍କ ଦ୍ୱାରା ପରିଚାଳିତ ଅଟଳ ପେନସନ୍ ଯୋଜନା ହେଉଛି କେନ୍ଦ୍ର ସରକାରଙ୍କ ଏକ ସାମାଜିକ ସୁରକ୍ଷା ଯୋଜନା । ଏହା ଅଧୀନରେ ଅସଂଗଠିତ କ୍ଷେତ୍ରରେ କାର୍ଯ୍ୟ କରୁଥିବା ଲୋକମାନେ କେନ୍ଦ୍ର ସରକାରଙ୍କ ଠାରୁ ପ୍ରତିମାସରେ ୧୦୦୦ ରୁ ୫୦୦୦ ଟଙ୍କା ପର୍ଯ୍ୟନ୍ତ ପେନସନ୍ ପାଇଥାନ୍ତି। ଜଣାଇ ରଖୁଛୁ ଯେ ୧୮ ରୁ ୪୦ ବର୍ଷ ମଧ୍ୟରେ ଯେକୌଣସି ବ୍ୟକ୍ତି ଏକ ଖାତା ଖୋଲିପାରିବେ ।
ଏହି ଖାତାଗୁଡ଼ିକ କେଉଁଠାରେ ଖୋଲାଯାଇପାରିବ-
ଏହା ଯେକୌଣସି ସରକାରୀ ବ୍ୟାଙ୍କ କିମ୍ବା ଡାକଘରେ ଖୋଲାଯାଇପାରିବ । ତଥାପି, ଜଣେ ବ୍ୟକ୍ତି କେବଳ ଗୋଟିଏ ଅଟଳ ପେନସନ୍ ଆକାଉଣ୍ଟ ଖୋଲିପାରିବେ । ଏହା ବିଷୟରେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଯଦି ପେନସନଭୋଗୀଙ୍କ ମୃତ୍ୟୁ ହୋଇଯାଏ, ତେବେ ପେନ୍ସନ୍ ପତ୍ନୀ କିମ୍ବା ପିଲାମାନଙ୍କୁ ମଧ୍ୟ ଦିଆଯାଇପାରିବ ।
