କ୍ୟାମେରାରେ କଏଦ ହେଲା ଲୁଟେରାଙ୍କ ଲୁଟ, ୭ ଦିନରେ ଦୁଇଟି ଲୁଟ୍
ଦିଗପହଣ୍ଡି: ମୁଖାଧାରୀ ଲୁଟେରାଙ୍କ ଆତଙ୍କ । ୭ଦିନରେ ଦୁଇଟି ଲୁଟ୍ । ସିସିଟିଭି କ୍ୟାମେରାରେ କଏଦ ହୋଇଛି ଲୁଟ୍ର ଦଶ୍ୟ । ଗଞ୍ଜାମ ଜିଲ୍ଲା ପାଟପୁର ଅଞ୍ଚଳରେ ଏହି ଘଟଣା ଘଟିଛି । ୭ଦିନ ତଳେ ଜଗନ୍ନାଥପୁର ଛକରେ ମୁଖାପିନ୍ଧା ଦୁର୍ବୃତ୍ତମାନେ ଏକ ଢାବାରେ ଖଣ୍ଡା ଦେଖାଇ ଲୁଟ୍ କରିଥିବା ଅଭିଯୋଗ ହୋଇଥିଲା ।
ଗତକାଲି ରାତିରେ ଭାଲିଆଝୋଳି ମୁଖ୍ୟ ରାସ୍ତାରେ ଥିବା ଏକ ମାର୍ଟରୁ ଲୁଟ୍ କରିଛନ୍ତି । ଏକ ବୋଲେରୋରେ ୪ ଜଣ ମୁଖାଧାରୀ ଦୁର୍ବୃତ୍ତ ଆସି ମୋବାଇଲ ଓ ଟଙ୍କା ସହ ବହୁ ସାମଗ୍ରୀ ଲୁଟି ନେଇଛନ୍ତି । ସିସିଟିଭି ଫୁଟେଜରେ ଚୋରି ସମୟର ଦୃଶ୍ୟ ରହିଛି । ପାଟପୁର ଥାନା ପୋଲିସ ତଦନ୍ତ କରୁଥିଲେ ବି ଏଯାଏଁ ଦୁର୍ବୃତ୍ତଙ୍କୁ କାବୁ କରିପାରିନି ।
