ନବରଙ୍ଗପୁର : ରାସ୍ତା ପାଲଟିଛି ମରଣଜନ୍ତା। ନବରଙ୍ଗପୁର ନନ୍ଦାହାଣ୍ଡି ଓ ତେନ୍ତୁଳିଖୁଣ୍ଟି ବ୍ଲକକୁ ସଂଯୋଗ କରୁଥିବା ଅଣ୍ଟାସର ଠାରୁ ପଣସପଦର ରାସ୍ତା ଖାଲ ଖାବଡ଼ାରେ ଭର୍ତ୍ତି। ପୂର୍ବରୁ ମାଟି କାଦୁଅ ଥିବା ଏହି ରାସ୍ତା ଗତବର୍ଷ ମରାମତି ହୋଇଥିଲା। ବର୍ଷେ ନପୁରୁଣୁ ରାସ୍ତାର ଅବସ୍ଥା ଶୋଚନୀୟ । ନିମ୍ନମାନର ରାସ୍ତା ନିର୍ମାଣ ପାଇଁ ବିଭାଗୀୟ ଅଧିକାରୀ ଏବଂ ଠିକାଦାରଙ୍କୁ ଦୋଷ ଦେଲେ ଗ୍ରାମବାସୀ।
ବିଭାଗ ଏକ ଅଭିଯୋଗ ଅନେକ। ଗ୍ରାମ୍ୟ ଉନ୍ନୟନ ବିଭାଗର ଗୋଟିଏ ପରେ ଗୋଟିଏ ପିଚୁ ରାସ୍ତାର ଅବସ୍ଥା ବେହାଲ୍। ନିର୍ମାଣ କାର୍ଯ୍ୟର ଅଳ୍ପ ଦିନ ପରେ କାଦୁଅ ରାସ୍ତାରେ ପରିଣତ ହୋଇଯାଉଛି ପିଚୁ ରାସ୍ତା। ନବରଙ୍ଗପୁର ନନ୍ଦାହାଣ୍ଡି ଓ ତେନ୍ତୁଳିଖୁଣ୍ଟି ବ୍ଲକକୁ ସଂଯୋଗ କରୁଥିବା ଅଣ୍ଟାସର ଠାରୁ ପଣସପଦର ରାସ୍ତା ପାଲଟିଛି ମରଣଜନ୍ତା। ପୂର୍ବରୁ ମାଟି କାଦୁଅ ଥିବା ଏହି ରାସ୍ତା ଗତବର୍ଷ ମରାମତି ହୋଇଥିଲା। ୯୮.୪୩ ଲକ୍ଷ ଟଙ୍କା ବ୍ୟୟରେ ନିର୍ମିତ ଏହି ରାସ୍ତା ଉନ୍ନତିକରଣ କାର୍ଯ ଗତ ଅକ୍ଟୋବର ମାସ ୧୪ ତାରିଖରେ ଶେଷ ହୋଇଥିଲା। କିନ୍ତୁ ବର୍ଷେ ନପୁରୁଣୁ ରାସ୍ତା ଅବସ୍ଥା ଶୋଚନୀୟ ହୋଇପଡିଛି। ଅଧା ରାସ୍ତାରୁ ପିଚୁ ଉଠିଯାଇଛି। ଖାଲ ଖାବଡା ରାସ୍ତା ଦେଇ ଯିବାବେଳେ ଦୁର୍ଘଟଣା ଘଟୁଛି।
ଲୋକଙ୍କ ସୁଗମ ଯାତାୟାତ ପାଇଁ ସରକାର କୋଟି କୋଟି ଟଙ୍କା ବ୍ୟୟ କରୁଥିବା ବେଳେ କାହିଁକି ନିମ୍ନମାନର ରାସ୍ତା ନିର୍ମାଣ କରାଯାଉଛି ବୋଲି ଗ୍ରାମବାସୀ ପ୍ରଶ୍ନ କରିଛନ୍ତି। ବିଭାଗୀୟ ଅଧିକାରୀ ଏବଂ ଠିକାଦାରଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଗ୍ରାମବାସୀ। ନଚେତ ଆଗାମୀ ଦିନରେ ଆନ୍ଦୋଳନର ଧମକ ଦେଇଛନ୍ତି । ଏ ସମ୍ବନ୍ଧରେ କିନ୍ତୁ କ୍ୟାମେରା ସମ୍ମୁଖରେ ମୁହଁ ଖୋଲିବାକୁ ନାରାଜ ବିଭାଗୀୟ କତ୍ତୁପକ୍ଷ । ଯେଉଁଥି ପାଇଁ ଲୋକଙ୍କ ମଧ୍ଯରେ ଅହୁରି ଅସନ୍ତୋଷ ବଢିଯାଇଛି।
