ମାହାଙ୍ଗା ଗଣହତ୍ୟା ମାମଲା, ଆଜି ସରୁଛି ଅଭିଯୁକ୍ତ ଶିବ ସାହୁର ରିମାଣ୍ଡ ଅବଧି

ମାହାଙ୍ଗା: ଆଜି ସରୁଛି ମାହାଙ୍ଗା ଗଣହତ୍ୟାର ଅଭିଯୁକ୍ତ ଶିବର ରିମାଣ୍ଡ ଅବଧି । ହତ୍ୟାକାଣ୍ଡର ବିଭିନ୍ନ ଦିଗକୁ ନେଇ ଅଭିଯୁକ୍ତ ଶିବ ପ୍ରସାଦ ସାହୁକୁ ମାରାଥନ୍ ଜେରା କରୁଛି ପୋଲିସ । ପ୍ରାଥମିକ ତଦନ୍ତରୁ ଶିବ ଏକା ହତ୍ୟା କରିଥିବା ପୋଲିସ କହୁଥିଲେ ମଧ୍ୟ ଏନେଇ ତନାଘନା କରାଯାଉଛି । ତେବେ ଆଜି ରିମାଣ୍ଡର ଶେଷ ଦିନରେ ଅଭିଯୁକ୍ତକୁ କ୍ରସ ଇଣ୍ଟୋରୋଗେସନ୍ କରିବ ପୋଲିସ । ଗତକାଲି କ୍ରାଇମସ୍ପଟକୁ ଯାଇ ମର୍ଡରର ଡେମୋ ଦେଖାଇଥିଲା ଶିବପ୍ରସାଦ । ନିଜ ମୁହଁରେ କହିଥିଲା ଗଣହତ୍ୟାର ପୂରା କାହାଣୀ ।

କେମିତି ଜଣକ ପରେ ଜଣଙ୍କୁ ହାଣିଥିଲା ଶିବ ? କ୍ରାଇମସ୍ପଟରେ ପୂରା ହତ୍ୟାକାଣ୍ଡର ଡେମୋ ଦେଖାଇଛି ଅଭିଯୁକ୍ତ । ଘର ଲାଇଟ ବନ୍ଦ କରି ମୋବାଇଲ୍ ଟର୍ଚ୍ଚରେ ହତ୍ୟା କରିଥିଲା ଅଭିଯୁକ୍ତ । ପ୍ରଥମେ ଭାଇ ଓ ଭାଉଜଙ୍କୁ ମାରିଥିଲା । ପରେ ଝିଆରୀ ପୁତୁରାଙ୍କୁ ହତ୍ୟା କରିଥିଲା । ହତ୍ୟା ପରେ ୫ ଜଣଙ୍କ ହାତ, ଗୋଡ଼ର ଶିରା କାଟିଥିଲା । ସମସ୍ତ ୫ ଜଣଙ୍କୁ ହତ୍ୟା କରିବା ପରେ ସମସ୍ତଙ୍କ ମୃତଦେହକୁ ଘୋଷାଡ଼ି ଆଣି ଗୋଟିଏ ଘରେ ପକାଇଥିଲା ଶିବ । ଘରୁ ଶାବଳ ଓ ମାରଣାସ୍ତ୍ର ଜବତ କରିଛି ପୋଲିସ। ପ୍ରାଥମିକ ତଦନ୍ତରୁ ଶିବ ଏକା ସଂପୃକ୍ତ ଥିବା ପୋଲିସ କହିଛି ।