କେନ୍ଦୁଝରରେ ସୁନାଖଣି ମିଳିବା ଆଶା ଦୃଢ଼ୀଭୂତ, ବାଂଶପାଳ ଅଞ୍ଚଳରେ ଜାରି ରହିଛି ଅନୁସନ୍ଧାନ

1 min read

କେନ୍ଦୁଝରର: କେନ୍ଦୁଝରରେ ସୁନାଖଣି ! ଚାଲିଛି ନମୁନା ସଂଗ୍ରହ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ତରମାକାନ୍ତ ପଞ୍ଚାୟତର ଜଳଡ଼ିହା ଗାଁ ପାଖରେ ସୁନାଖଣି ନେଇ ନମୁନା ସଂଗ୍ରହ ଚାଲିଛି । ଜଙ୍ଗଲରେ ସୁନାଖଣି ନେଇ ଦେଢ଼ କିଲୋମିଟର ପରିଧିରେ ମାଟି ଭିତରେ ଗାତ ଖୋଳି କରାଯାଉଛି ନମୁନା ସଂଗ୍ରହ । ୬ ମାସ ଧରି ଭାରତ ସରକାରଙ୍କ ପକ୍ଷରୁ ଚାଲିଥିବା ନମୁନା ସଂଗ୍ରହ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି ।

ଏକଦା କେନ୍ଦୁଝର ବାଂଶପାଳ ବ୍ଲକ ତରମାକାନ୍ତ ଅଞ୍ଚଳରେ ଚା’ ଚାଷ ହେଉଥିଲା । ଏବେ କିନ୍ତୁ ଚା’ ଚାଷ ବନ୍ଦ ହୋଇଯାଇଛି । ଏହି ଅଞ୍ଚଳର ଲୋକ ଜୀବିକା ପାଇଁ ମୁଖ୍ୟତଃ ଜଙ୍ଗଲ ଉପରେ ନିର୍ଭର କରନ୍ତି । ୮୦ ଦଶକରେ ଏହି ଅଞ୍ଚଳରେ ସୁନାଖଣି ପାଇଁ ନମୁନା ସଂଗ୍ରହ ଆରମ୍ଭ ହୋଇଥିଲା । କିଛି ବର୍ଷ ବନ୍ଦ ରହିବା ପରେ ୬ ମାସ ହେଲା ପୁଣି ନମୁନା ସଂଗ୍ରହ ଚାଲିଛି । ତେବେ ଯଦି ଏହି ଅଞ୍ଚଳରେ ସୁନାଖଣି ହେଲେ ଏହି ଅଞ୍ଚଳର ଆର୍ଥିକ ଅଭ୍ୟୁଦୟ ଘଟିବ।

[DISPLAY_ULTIMATE_SOCIAL_ICONS]