ଆହୁରି ଲୁଚିଛି କି ପୁରୀ ଏମାର ମଠରେ ରୂପା ଇଟା, ଏନେଇ ଆରମ୍ଭ ହେଲା ମେଟାଲ ଡିଟେକ୍ଟର ଦ୍ୱାରା ଯାଞ୍ଚ
ପୁରୀ: ପୁରୀ ଏମାର ମଠ ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି। ମେଟାଲ ଡିଟେକ୍ଟର ଦ୍ୱାରା ମଠର ବିଭିନ୍ନ ସ୍ଥାନକୁ ଯାଞ୍ଚ କରାଯାଉଛି। ଏଏସ୍ଆଇ ଓ ପ୍ରଶାସନର ସ୍ୱତନ୍ତ୍ର ଟିମର ଯାଞ୍ଚରେ ସାମିଲ ହୋଇଥିବା ବେଳେ ଏମାର ମଠର ଟ୍ରଷ୍ଟ କମିଟି ସଦସ୍ୟ ମଧ୍ୟ ସାମିଲ ହୋଇଛନ୍ତି। ପୂର୍ବରୁ ଏମାର ମଠ ଇଣ୍ଟେରିମ୍ ଟ୍ରଷ୍ଟ ବୋର୍ଡ ଦେବୋତ୍ତର ବିଭାଗକୁ ଯାଞ୍ଚ ପାଇଁ ଚିଠି ଲେଖିଥିଲା।
ସେହି ଅନୁସାରେ ଆଜି ଦୋବୋତ୍ତର ବିଭାଗ ପକ୍ଷରୁ ଯାଞ୍ଚ ଆରମ୍ଭ ହୋଇଛି। ଯାଞ୍ଚରେ ଦେବୋତ୍ତର ବିଭାଗ କର୍ମଚାରୀ ମେଟାଲ୍ ଡିଟେକ୍ଟର ଟିମ୍, ଶ୍ରୀମନ୍ଦିର ପ୍ରଶାସନ କର୍ତ୍ତୃପକ୍ଷ ସାମିଲ ହୋଇଛନ୍ତି। ପୂର୍ବରୁ ଏହି ଧନଶାଳୀ ମଠରୁ ୫୨୨ ରୁପା ଇଟା ମିଳିଥିଲା। ଏହାପରେ ଦ୍ୱିତୀୟ ଥର ଯାଞ୍ଚ ବେଳେ ୪୫ ରୁପା ଇଟା ମିଲିଥିଲା। ମଠ ତଳେ ଆଉ କିଛି ଥିବା ସନ୍ଦେହରେ ପୁଣି ଥରେ ଚାଲିଛି ଯାଞ୍ଚ।
