ଗଜପତି: ପୋଲିସ ହେପାଜତରୁ ଚମ୍ପଟ ମାରିଲା ଆସାମୀ । ଏଭଳି ଘଟଣା ଘଟିଛି ଗଜପତି ଜିଲ୍ଲା ମୋହନାରେ । ସୂଚନା ଅନୁଯାୟୀ, ଗଜପତି ମୋହନା ବଜାରରେ ଥିବା ଏକ ଲଜରୁ ପୋଲିସକୁ ଚକମା ଦେଇ ଚମ୍ପଟ ମାରିଛି କଏଦୀ । ଆସାମୀ ଜଣଙ୍କ ହେଲା ମୋହନା ଅନ୍ତରବା ପୁରୁଣାସାହିର ଜୁଏଲ ଶବର ।
ଜୁଏଲକୁ ଦୁଷ୍କର୍ମ ମାମଲାରେ ମହାରାଷ୍ଟ୍ର ନାଗପୁର ପୋଲିସ ଆକୋଲା ଷ୍ଟେସନରୁ ଗିରଫ କରିଥିଲା। ଗିରଫ ପରେ ବିଳମ୍ବିତ ରାତିରେ ତଦନ୍ତ ପାଇଁ ନାଗପୁର ପୋଲିସ ଏକ କାରରେ ଜୁଏଲକୁ ମୋହନା ଆଣିଥିଲା। ଲଜରେ ପୋଲିସ କର୍ମଚାରୀ ଗାଧୋଉଥିବା ବେଳେ ଏହାର ସୁଯୋଗ ନେଇ ଜୁଏଲ ଚମ୍ପଟ ମାରିଥିଲା।
