ଆସିଲା ଭବିଷ୍ଯବାଣୀ, ୬ ମାସରୁ ୧ ବର୍ଷ ମଧ୍ଯରେ ଦେଶରେ ସାଧାରଣ ନିର୍ବାଚନ ହେବା ଆଶଙ୍କା !

ନନ୍ଦିଘୋଷ ବ୍ୟୁରୋ : ଏନଡିଏ ସରକାର ଗଠନ ନହେଉଣୁ ଆସିଲା ଭବିଷ୍ଯବାଣୀ। ୬ ମାସରୁ ଏକ ବର୍ଷ ମଧ୍ଯରେ ଦେଶରେ ସାଧାରଣ ନିର୍ବାଚନ ହେବ ବୋଲି ଆଶଙ୍କା ବ୍ଯକ୍ତ କରିଛନ୍ତି ଛତିଶଗଡ଼ର ପୂର୍ବତନ ମୁଖ୍ଯମନ୍ତ୍ରୀ ଭୂପେଶ ବଘେଲ। ଏନଡିଏ ବୈଠକରେ ନରେନ୍ଦ୍ର ମୋଦୀଙ୍କୁ ନେତା ନିର୍ବାଚିତ କରାଯିବା ପରେ ପରେ ଏହି ଭବିଷ୍ଯବାଣୀ ଦେଇଛନ୍ତି ବଘେଲ। ଏକ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି ମଧ୍ଯବର୍ତ୍ତୀକାଳୀନ ନିର୍ବାଚନ ଲାଗି ଦଳୀୟ କର୍ମୀ ପ୍ରସ୍ତୁତ ଅଛନ୍ତି।  ଏହା ସହ ସେ ଉତ୍ତରପ୍ରଦେଶ ମୁଖ୍ଯମନ୍ତ୍ରୀ ଯୋଗୀ ଆଦିତ୍ଯନାଥ, ରାଜସ୍ଥାନ ସିଏମ ଭଜନଲାଲ ଶର୍ମା, ମହାରାଷ୍ଟ୍ର ଉପମୁଖ୍ଯମନ୍ତ୍ରୀ ଦେବେନ୍ଦ୍ର ଫଡଣବିସଙ୍କ ନାଁ ନେଇ ସେ କହିଥିଲେ- ସେମାନଙ୍କ ମଧ୍ଯରୁ କାହାର ଗାଦି ଟଳମଳ ତ କିଏ ଇସ୍ତଫା ଦେବାକୁ ପ୍ରସ୍ତୁତ।