ପଶ୍ଚିମବଙ୍ଗକୁ ପଶୁ ଅସ୍ଥି ଚାଲାଣ ମାମଲା, ଜବତ ଟ୍ରକ୍ ବୋଝେଇ ଅସ୍ଥିକୁ ପୋତିବ ପୋଲିସ
1 min read
ଭୁବନେଶ୍ୱର: ଭୁବନେଶ୍ୱର ଦେଇ ପଶ୍ଚିମବଙ୍ଗକୁ ପଶୁ ଅସ୍ଥି ଚାଲାଣ ମାମଲା । ଜବତ ଟ୍ରକ୍ ବୋଝେଇ ଅସ୍ଥିକୁ ପୋତିବ ପୋଲିସ । ଅସ୍ଥି ପୋତିବା ପାଇଁ ଜେଏମଏଫସି-୧ କୋର୍ଟଙ୍କ ଅନୁମତି ମାଗିଛି ପୋଲିସ । ସରକାରୀ ଜାଗାରେ ପୋତିବା ପାଇଁ ତହସିଲଦାରଙ୍କକୁ ଚିଠି ଲେଖିଛି ତମାଣ୍ଡୋ ଥାନା ପୋଲିସ । ଗତକାଲି ପଶ୍ଚିମବଙ୍ଗକୁ ପଶୁ ଅସ୍ଥି ଚାଲାଣ ବେଳେ ୩ ଜଣଙ୍କୁ ଗିରଫ କରିଥିଲା ପୋଲିସ । ୩ ଜଣଙ୍କଠାରୁ ୯୯୫୦ କେଜି ଅସ୍ଥି ଜବତ ହୋଇଥିଲା । ଏହାର ଆନୁମାନିକ ମୂଲ୍ୟ ୧ କୋଟି ଟଙ୍କା ହେବ। ୩ ଜଣ ଅଭିଯୁକ୍ତ ଜଟଣୀ ଥାନା ବେଣାପୁରରୁ ପଶୁହାଡ଼ ନେଇ ଯାଉଥିଲେ । ଏହି ହାଡ଼ରେ ଚିକିତ୍ସା ଉପକରଣ ଓ ପ୍ଲେଟ ତିଆରି ହେଉଥିବା ପୋଲିସ ଆଗରେ କହିଛନ୍ତି ଅଭିଯୁକ୍ତ । ପୂରା ରାକେଟ ବାବଦରେ ଖୋଲତାଡ଼ ପାଇଁ ୩ ଜଣକୁ ରିମାଣ୍ଡରେ ଆଣିବ ପୋଲିସ ।
